Alnus é un xénero da familia das Betuláceas. Contén 30 especies de árbores e arbustosmonoicos (moi poucos deles acadan un gran tamaño), denominados comunmente amieiros, distribuídos por todo o mundo. Presentan follas ovadas e co bordo dentado. As flores son en forma de amentos, os masculinos alongados e os femininos curtos, ambos na mesma planta.
En Galicia só atopamos unha especie propia, o Alnus glutinosa (amieiro común), que é propio das ribeiras, lameiros e brañas.
Subgénero Alnus. Árbores. Amentos masculinos e femininos producidos no outono, mais fican pechados durante o inverno, polinizando a finais do inverno ou principios da primavera. Arredor de 15-25 especies, entre elas:
Alnus acuminata Humb., Bonpl. & Kunth. Cordal dos Andes, América do Sur.
Alnus firma Sieb&Zucc; "Yashabushi". Kyūshū (Xapón)
Alnus glutinosa (L.) Gaertner; Amieiro (ou ameneiro), amieiro negro, o amieiro por excelencia en Europa, Alisa. Especie europea.
Alnus incana (L.) Moench; Amieiro cinsento. Eurasia. Hai unha variedade especialmente apreciada en xardinaxe pola follaxe amarela, o Alnus incana 'Aurea', Amieiro dourado.
Alnus hirsuta (A. incana subsp. hirsuta). Nordés de Asia, e Asia central nas montañas.
Alnus oblongifolia (A. incana subsp. oblongifolia). Suroeste de América do Norte.
Alnus rugosa (A. incana subsp. rugosa). Nordés de América do Norte.
Alnus tenuifolia (A. incana subsp. tenuifolia). Noroeste de América do Norte.
Subgénero Alnobetula. Arbustos. Amentos masculinos e femininos producidos a finais da primavera (despois de agromaren as follas) espállanse e polinizan logo. Unha especie, catro subespecies: