Neftenbach | |
---|---|
![]() | |
Basisdate | |
Staat: | Schwiiz |
Kanton: | Züri (ZH) |
Bezirk: | Wintertuur |
BFS-Nr.: | 0223 |
Poschtleitzahl: | 8413 |
Koordinate: | 692602 / 264934 |
Höchi: | 415 m ü. M. |
Flächi: | 14.95 km² |
Iiwohner: | 5761 (31. Dezämber 2022)[1] |
Website: | www.neftenbach.ch |
Charte | |
![]() |
Näftebach (salopp au Näfti, amtlich Neftenbach) isch e politischi Gmäind im Bezirk Wintertuur im Kanton Züri, Schwiiz.
Blasonierig
S Wappe gaht uf d Freiherre vo Wart zruck und isch 1921 zum Gmeindswappe bstimmt worde.
Näftebach isch äs Dorf diräkt bi Winti im untere Tösstal, 19 km Luftlinie vo Züri eweg. S lit uf ere Schotterterrasse am Südhang vom Irchel. Vo dr Gmeindflächi - 1495 ha - diene 55 % dr Landwirtschaft, 30 % isch Wald, 10 % isch Siedligsgebiet und 4 % diene em Verchehr.[2]
Uf de 1. Januar 2013 wird de Wiiler Oberhueb (au Obere Hueb) vo de Gmeind Buech abtrännt und Näftebach aagschlosse.
In dr römischer Zeit isch in dr Steimöri (unterhalb vom Fridhof) e römischer Guetshof gsi, wo hüt überbaut isch (Sattleracherstrass und Aspacherstrass). Bi dr Uusgrabige het mer da 1986 in eme Bronzegfäss e Münzhort entdeckt mit 1'243 römische Silbermünze us dr Jahre 197-265 n. Chr. Di erscht urchundlich Erwähnig stammt us em Jahr 1209, wo e Lütpriester vo „Neftinbach“ bimene Rächtsgschäft mitgwirkt het. S Biet het dr Freiherre vo Wart ghört. Dene ihr Wappe isch au sit 1921 s offiziell Gmeindswappe. Im Mai 1799 isch im Dorf zuemene Gfecht zwische dr Franzose und dr Österriicher cho, wo noch e verirrti Chugle im Chor vo dr Chille dra erinnert.
Bevölcherigsentwicklig | |
---|---|
Jahr | Iiwohner |
1836 | 1452 |
1850 | 1490 |
1880 | 1421 |
1900 | 1608 |
1941 | 706 |
1950 | 1853 |
1970 | 2180 |
1990 | 3731 |
2005 | 4549 |
2010 | 5224 |
De Uusländeraatäil liit bi 10,4 % (Stand 2011).[2]
Dr 7-chöpfig Gmeindrat setzt sich us sächs Manne und einere Frau zämme, mit dere Parteizämmesetzig: 3 FDP, 2 Freie Wähler und 2 SVP. Aktueller Gmeindspräsident isch dr Dr. Manfred Stahel (Stand 2012).
Bi de Kantonsraatswaale 2011 hät s das Ergebnis ggee:[2] BDP 3,6 %, CVP 2,7 %, EDU 4,4 %, EVP 3,6 %, FDP 13,8 %. GLP 10,7 %, GP 9,0 %, SP 11,9 %, SVP 38,8 %, Suschtigi 1,6 %.
D Arbetslosigkäit isch im Jaar 2010 bi 2,3 % gläge.[2]
De züritüütsch Tieläkt vo Näftebach, Näfti ghört zue de Winterthurer Mundarte.
![]() |
Dä Artikel basiert uff ere fräie Übersetzig vum Artikel „Neftenbach“ vu de dütsche Wikipedia. E Liste vu de Autore un Versione isch do z finde. |