Bertschikon bei Attikon | |
---|---|
![]() | |
Basisdatä | |
Staat: | Schwiiz |
Kanton: | Züri (ZH) |
Bezirk: | Wintertuur |
Gmeind | Wisedange |
PLZ | 8543 |
Koordinate: | 703565 / 264961 |
Höchi: | 506 m ü. M. |
Flächi: | 9,64 km² |
Iiwohner: | 1091 (31. Dez. 2013)[1] |
Website | www.bertschikon.ch |
![]() d Schuel Bèrtschike | |
Charte | |
![]() |
Bèrtschike (amtlich Bertschikon bei Attikon) isch es Dorf und e ehemolegi politischi Gmäind, wo zu Wisedange im Bezirk Wintertuur vom Schwizer Kanton Züri ghört.
Bèrtschike isch e Gmäind gsii, mit über 30 Dorfschafte, Wiiler und Hööf an de Gränze zum Kanton Thurgau. S Piet hät 68,7 % landwirtschaftlichi Flèchi, 20,7 % Wald, 5,3 % Sidligsflechi, 5,2 % Vercheersflechi und 0,1 % Gwässerflechi umfasst.[2]
Di ehemolig Gmäind isch im Jaar 1831 us de sibe Zivilgmäinde Bèrtschike, Chefike (Kefikon), Gundetschwiil (Gundetswil), Gündlike (Gündlikon), Libischbèèrg (Liebensberg), Stège (Stegen) und Züünike (Zünikon) pildet worde. D Zivilgmäinde sind 1926 ufglööst worde.
Bèrtschike isch zum eschte Mal gnamset worde im Jaar 1255 als Bersinkon, Gündlike 774 als Cundilinchova, 1162 Gundilinchova. Uf de 1. Januar 2014 isch Bärtschike mit Wisedange fusioniert worde.
Quälle: Bundesamt für Statistik 2005[3]
Jaar | 1850 | 1860 | 1870 | 1880 | 1888 | 1900 | 1910 | 1920 |
Iiwooner | 949 | 853 | 805 | 717 | 711 | 643 | 645 | 692 |
Jaar | 1930 | 1941 | 1950 | 1960 | 1970 | 1980 | 1990 | 2000 |
Iiwooner | 731 | 708 | 720 | 733 | 845 | 738 | 968 | 985 |
De Uusländeraatäil liit bi 7 % (Stand 2011).[2]
61,5% vo de Iiwooner sind evangelisch-reformiert, 16,9% sind römisch-katholisch (Stand 2011).[2]
Bi de Kantonsraatswaale 2011 hät s das Ergebnis ggee:[2] BDP 5,5 %, CVP 1,6 %, EDU 2,7 %, EVP 3,9 %, FDP 4,0 %. GLP 9,7 %, GP 2,9 %, SP 4,5 %, SVP 64,8 %, Suschtigi 0,4 %.
Gmäindspresidäntin vo Bärtschike isch bis Endi 2013 d Brigitte Boller Schürch gsii. Si isch als Gmäindrot i d Behörde vo de fusionierte Gmäind Wisedange gwählt worde (Stand 2016).
D Arbetslosigkäit isch im Jaar 2010 bi 1,8 % gläge.[2]
De züritüütsch Tieläkt vo Bèrtschike ghört zue de Winterthurer Mundarte.