S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Hofstette vermyde, wo öppis anders meined. |
Hofstetten | |
---|---|
![]() | |
Basisdatä | |
Staat: | Schwiiz |
Kanton: | Züri (ZH) |
Bezirk: | Winterthur |
Gmeind | Elgg |
PLZ | 8354 |
Koordinate: | 706725 / 259117 |
Höchi: | 644 m ü. M. |
Flächi: | 8,85 km² |
Iiwohner: | 498 (31. Dezember 2016)[1] |
![]() Hofstetten ZH | |
Charte | |
![]() |
Hoofschtette (mängmol au Hofschtette bi Elgg) isch es Dorf i de politischi Gmäind Elgg im Bezirk Winterthur vom Kanton Züri, Schwiiz.
Hoofschtette liit zwüschet Murg- und Tösstaal nördlich vom Schauebèèrg, a de östliche Grenze vom Kanton. Zue de ehmolige Gmäid händ au na d Wiiler Huggebèèrg (Huggenberg), Geeretschwiil (Geretswil), Wènzike (Wenzikon) und Tickbuech (Dickbuch) ghöört. S Piet hät 49,3 % landwirtschaftlichi Flèchi, 46,1 % Wald, 2,5 % Sidligsflechi, 2 % Vercheersflechi und 0,1 % Gwässerflechi umfasst (Stand 2017). Naachbergmäinde sind Elgg im Norde, Aadorf (TG) im Oschte, Bichelsee-Balterschwiil (TG) im Südoschte, Tuurbetaal im Süde, Schlatt im Weschte und Elsau im Nordweschte gsii.
Hoofschtette isch zum eschte Mal gnamset worde im Jaar 914 als Pipineshovestetin.
Uf de 1. Jänner 2018 hät Hoofschtette mit Elgg zur neue Gmeind Elgg fusioniert.[2]
Quälle: Bundesamt für Statistik 2005[3]
Jaar | 1850 | 1860 | 1870 | 1880 | 1888 | 1900 | 1910 | 1920 | 1930 |
Iiwooner | 468 | 587 | 576 | 508 | 480 | 456 | 478 | 487 | 482 |
Jaar | 1941 | 1950 | 1960 | 1970 | 1980 | 1990 | 2000 | 2010 | 2013 |
Iiwooner | 485 | 461 | 444 | 381 | 337 | 384 | 419 | 447 | 481 |
De Uusländeraatäil liit bi 4,2 % (Stand 2011).[4]
63,8 % vo de Iiwooner sind evangelisch-reformiert, 12,3 % sind römisch-katholisch (Stand 2011).[4]
Bi de Kantonsraatswaale 2011 hät s das Ergebnis ggee:[4] BDP 3,6 %, CVP 1,6 %, EDU 4,6 %, EVP 5,1 %, FDP 4,5 %, GLP 6,4 %, GP 7,9 %, SP 8,6 %, SVP 57,6 %.
Gmäindspresidänt isch de Roger Gerber (Stand 2017) gsii.
D Arbetslosigkäit isch im Jaar 2010 bi 2,1 % gläge.[4]
De züritüütsch Tieläkt vo Hoofschtette ghört zue de Winterthurer Mundarte.