Faarwange | |
---|---|
![]() | |
Basisdate | |
Staat: | Schwiiz |
Kanton: | Aargau (AG) |
Bezirk: | Lenzburg |
BFS-Nr.: | 4196 |
Poschtleitzahl: | 5615 |
UN/LOCODE: | CH FWG |
Koordinate: | 660781 / 238526 |
Höchi: | 543 m ü. M. |
Flächi: | 5.00 km² |
Iiwohner: | 2456 (31. Dezämber 2022)[1] |
Website: | www.fahrwangen.ch |
![]() Faarwange | |
Charte | |
![]() |
Faarwange (amtlich Fahrwangen) isch e Gmeind vom Bezirk Lenzburg im Kanton Aargau.
D Gmeind Faarwange lyt im Seetal uf der Oschtsyte vom Hallwilersee, ganz im Süde vom Bezirk. Der Bärghang goot do süferli zum Lindebärg ufe. S Dorf Faarwange und s Nochberdorf Mäischterschwande sind zu nere gmäinsame Siidlig zämegwachse.
Die andere Nochbergmeinde sind Sarmeschtrf, Bettwiu, Aesch und Schongi.
Faarwange isch inere Kwelle us em Joor 831 s erschte Mol erwäänt i dr Schrybwys Farnowanch. Das bedütet im Althochdüütsche dr Bärghang mi Farn.
Im Gmeindbann het me es Greberfäld vo de alemannische Bewooner vo dr Gägend gfunde.
Me säit, d Froue vom Dorf Faarwange, wo dozmol im refermierte Gebiet vo Bärn gsi isch, heiged ane 1712 bim Zwöite Villmärgerchrieg katholeschi Druppe bi irem Dorf verjagt. Derno heig Bärn de Faarwangerinne zum Dank erloubt, einisch im Joor e Dag lang s Regimänt zfüere. Vo däm chunt der «Mäitlisunndig», wo immer am zwäite Sunndig im Jänner gfyret wird. D Froue ziend mit Netz dur d Dorfgasse und verlanget vo de Manne, wo si chönd foo, en Tribut.[2]