Schongau | |
---|---|
Basisdate | |
Staat: | Schwiiz |
Kanton: | Lozärn (LU) |
Wahlchreis: | Hochdorf |
BFS-Nr.: | 1041 |
Poschtleitzahl: | 6288 |
Koordinate: | 662862 / 235613 |
Höchi: | 639 m ü. M. |
Flächi: | 12.46 km² |
Iiwohner: | 1068 (31. Dezämber 2022)[1] |
Uusländeraateil: | 5,6 % (31. Dezember 2013)[2] |
Website: | www.schongau.ch |
Charte | |
Schoonge (amtlech Schongau) esch e politischi Gmeind im Wahlkreis Hofdere im Kanton Lozärn, Schwiiz.
Schoonge liid über em Hallwilersee uf dr nördleche Uuslöufer vom Lindebärg. Zue dr Gmeind ghöre ou na d Ortsteil Niederschongau mit Hinterdorf (620 m.ü.M.) ond Vorderdorf (639 m.ü.M.), Mettmenschongau (671 m.ü.M.), Oberschongau (745 m.ü.M.) mit em Wiiler Chalchtaren (776 m.ü.M.), Rüdikon (663 m.ü.M.) ond d Wiiler Kretzhof (754 m.ü. M.), Peyerhof (791 m.ü.M.) ond Luckel (802 m.ü.M.). Vo dr Gmeindsflechi send 70,4 % Landwirtschaftlechi Flechi, 26,1 % Waud, 3,5 % Sidligsflechi ond 0,1 % süschtigi Flechi.[3] Nachbergmeinde vo Schoonge send Äsch ond Hetzchöuch im Kanton Lozärn ond Bepmel, Fahrwange ond Buttu im Kanton Aargau.
Schoonge esch zom erschte Mau gnamsed worde im Jahr 831 aus Scongaua.
Quälle: Bundesamt für Statistik 2005[4]
Jahr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 1077 | 992 | 967 | 842 | 802 | 805 | 805 | 764 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 792 | 753 | 726 | 734 | 743 | 678 | 669 | 729 |
Dr Uusländeraateil esch 2014 bi 5,6 % gläge.[3]
83,1 % vo dr Iiwooner send im Jahr 2000 römisch-katholisch gsii, 8,9 % evangelisch-reformiert.[3]
Bi dr Nationauraatswahle 2015 hät s das Ergebnis gää:[3] BDP 1,4% , CVP 26,6% , FDP 12,4% , GLP 4,1% , GP 4,5% , SP 6,1% , SVP 41,3% , Süschtigi 3,5%.
Dr Gmeindspräsident vo Schoonge esch dr Josef Muff-Keusch (Stand Februar 2016).
D Arbetslosigkeit esch im Jahr 2011 bi 1 % gläge.[3]
Bi dr Volkszellig 2000 hend vo dr 729 Iiwohner 97,3 % Dütsch aus Houptsprach aagää, 0,1 % Französisch ond 2,6 % anderi Sprache.[3]
Z Schoonge redt me s hochalemannisch Lozärntütsch.