Diet Gerritsen (Aalten, 1960) is ne neerlaandse actrice, dirigeant, koorleaider en sopraan in t koor van de Nasjonale Reisopera.
Gerritsen is vuural bekeand as Fenna Wildspieker oet de Tweantse soapriege Van Jonge Leu en Oale Groond. Hee spölt de dochter van Hendrik en Minie Wildspieker, en zuster van Alwie en Monique (Monkie) Wildspieker. Noa at zin vaa (espöld duur Jan Roerink) oet de tied keump, geet Fenna terugge noar Tweante um met zin moo t boerenspul van Wildspieker te behearen. Um disse boerderieje löp t grötste gedeelte van de soap. Fenna is eskeaiden van Jaap Oosterveld en hef ne dochter, Zilver. In n poar ofleawerings van t eerste seizoen geet ene van de verhaallienen oawer Fenna, den't ne relasie krig met Gerrit Olde Weernink, espöld duur Herman Finkers.
Feaitelik is öar akteerwoark eankelt biezaak, t meeste woark dut he as klassiek sopraan. Bie de nasjonale Reisopera dut he met an ongevear vief oetvoerings in t joar, en as eankeling dut he zingen in opera, operette, oratoria, kantates en leedprogramma's. As dirigeant steet he vuur t koor Intervocaal oet Eanske.
Vearder dut he völle tekste van Willem Wilmink oetvoeren en zingen. Völle vertaald woark hef he van Wilmink ezungen en spöllen de heuwdrolle in de musical De Pathmosprinses.