«Life Goes On» (հայերեն՝ Կյանքը շարունակվում է), հարավկորեական BTS բոյ բենդի երգը։ Այն թողարկվել է «Be» ալբոմի հետ միասին, 2020 թվականի նոյեմբերի 20-ին Big Hit Entertainment-ում և Columbia-ում։
Արտադրություն
COVID-19 համավարակի պատճառով Map of the Soul Tour շրջագայության չեղարկումից հետո խումբը սկսել է աշխատել նոր ալբոմի վրա[2]։ Խմբի լեյբլը պաշտոնապես հայտարարել է «Be» ալբոմի մասին 2020 թվականի սեպտեմբերի 27-ին[3]։ Հոկտեմբերի 30-ին խումբը իր թվիթթերյան էջում հրապարակել է ալբոմի առաջատար սինգլի անվանումը՝ «Life Goes On»[4]։
Երաժշտական տեսահոլովակ
Նոյեմբերի 17-ին լեյբլը թողարկել է 26 վայրկյան տևողությամբ թրեյլերը[5]։ Դրանից հետո թողարկվել է երկրորդ թրեյլերը, որը ունեցել է 22 վայրկյան[6]։ Երաժշտական տեսահոլովակը թողարկվել է ալբոմի հետ միասին, տեսահոլովակը խմբագրել է Չոնգուկը[7]։
Տեսահոլովակում խմբի անդամներն անգործության են մատնվում կարանտինի ժամանակ, Վին նրանց համար վարում է մեքենա, նրանք դիտում են իրենց ձայնագրությունները և կատարում երգը դատարկ մարզադաշտում։
Կենդանի ելույթ
BTS-ը «Life Goes On» և «Dynamite» երգերը կատարել է 48-րդ ամերիկյան երաժշտական մրցանակաբաշխությունը նոյեմբերի 22-ին[4]։