BTS World: Original Soundtrack, BTS World բջջային խաղի սաունդթրեք ալբոմն է[1]։ Թողարկվել է 2019 թվականի հունիսի 28-ին, և խաղի թողարկումից երկու օր անց ալբոmը թողարկվել է՝ ներկայացնելով հարավկորեական BTS խմբի չորս նոր սինգլներ և խաղից վերցրած երաժշտություն։ Սաունդթրեքի սինգլներն են Dream Glow-ն (համագործակցություն երգչուհի Charli XCX-ի հետ), A Brand New Day-ը (համագործակցություն երգչուհի Զառա Լարսոն-ի հետ) և All Night-ը (համագործակցություն ռեփեր Juice Wrld-ի հետ)[2]։ Հունիսի 26-ին խաղի թողարկումից հետո խաղի մեջ թողարկվել է Heartbeat երգը[3]։ Ալբոմը դեբյուտ է արել Gaon Album Chart չարթիբարձրագույն հորիզոնականում։ Նաև դարձել է առաջին Քեյ փոփ սաունդթրեքը, որը հանդես է եկել Billboard Top Soundtracks չարթում[4]։
Նախապատմություն
Հունիսի 27-ին պարզվել է, որ պաշտոնական ալբոմը ունենալու է ընդհանուր առմամբ 14 երգ։ Երեք հիմնական սինգլ և 7 մենակատար «թեմա» երաժշտություններ։ Բացահայտվել է նաև, որ լինիելու է տեսահոլովակ, որը թողարկվելու է Heartbeat սինգլի համար[5]։
Սինգլներ
Dream Glow սինգլը, որը համագործակցություն է երգչուհի Charli XCX-ի հետ, թողարկվել է 2019 թվականի հունիսի 7-ին[6][7]։ Հունիսի 14-ին լույս է տեսել երկրորդ սինգլը՝ A Brand New Day-ը, որը երգչուհի Զառա Լարսոնի հետ համագործակցություն է[8]։ Երրորդ սինգլ՝ All Night-ը որը ռեփեր Juice Wrld-ի հետ համագործակցություն է, լույս է տեսել հունիսի 21-ին[2]։
Փրոմոուշեն
BTS-ը հայտարարել է, որ սաունդթրեքը թողարկվելու է իրենց սոցիալական լրատվամիջոցների միջոցով 2019-ի հունիսի 10-ին[9]։