![]() |
Det Moldaawisk Sosialistisk Sowjetrepubliik (üüb Rumeens: Republica Sovietică Socialistă Moldovenească / Република Советикэ Сочиалистэ Молдовеняскэ; üüb Rüs: Молда́вская Сове́тская Социалисти́ческая Респу́блика Moldávskaja Sovétskaja Socialistíčeskaja Respúblika) wiar faan 1940 tu 1941 an faan 1944 tu 1991 ian faan a republiiken uun't Sowjetunioon.
Det letst folksteeling uun't Sowjetunioon wiar uun't juar 1989. Efter a resultooten hed det Moldaawisk SSR 4.337.592 lidj: 2.279.432 diarfaan wiar wüfhööd an 2.058.160 karmen, 2.301.185 lewet üüb't lun an 2.036.407 uun a steeden[1].
Det Ruad Armee besaat 28. Jüüne 1940 det Besarabien regiuun faan Rumeenien. 2. August wurd faan at waastdial faan det Moldaawisk ASSR (1924-1940; dial faan det Ukrainisk SSR) an dialen faan Besarabien det Moldaawisk SSR grünjlaanjen. 1941-1944 wurd at republiik faan Rumeenien besaatet. Det wurd 27. August 1991 üüs at republiik Moldaawien suwereen.
Det regiaringspartei wiar det Komunistisk Partei faan Moldaawien, wat en twiig faan det Komunistisk Partei faan't Sowjetunioon wiar.