![]() |
Det Georgisk Sosialistisk Sowjetrepubliik (kurt: Georgisk SSR, Sowjet Georgien of Georgien; üüb Georgisk: საქართველოს საბჭოთა სოციალისტური რესპუბლიკა sakartvelos sabč'ota socialist'uri resp'ublik'a; üüb Rüs: Грузинская Советская Социалистическая Республика Gruzinskaja Sovetskaja Socialističeskaja Respublika) wiar faan 1936 tu 1991 ian faan a republiiken uun't Sowjetunioon.
Twesken 1944 an 1955 dialen faan det Karatschaiisk AP an det Tschetscheens-Inguschisk ASSR wiar dialen faan det Georgisk SSR. Do wurd jo weler dialen faan det Rüs SFSR.
Dön tjiin gratst steeden uun't republiik wiar:
# | Steed | Lidj (1989)[1] |
---|---|---|
1 | Tiflis | 1.243.150 |
2 | Kutaisi | 232.510 |
3 | Rustawi | 159.016 |
4 | Suchumi | 119.150 |
5 | Gori | 67.787 |
6 | Poti | 50.569 |
7 | Sugdidi | 49.614 |
8 | Tschinwali | 42.934 |
9 | Samtredia | 34.255 |
10 | Chaschuri | 31.717 |
Det Georgisk SSR hed tau autonoom sosialistisk sowjetrepubliiken (ASSR) an ian autonoom gebiit:
At jeew sööwen folksteelingen uun't Sowjetunioon. Onern san a resultooten diarfaan för det Georgisk SSR (uk üüs dial faan det Transkaukaasisk SSR):
Folksteeling | Lidj | uun a Steeden | üüb't Lun |
---|---|---|---|
17. Deetsember 1926 | 2.677.000 | 594.000 | 2.083.000 |
17. Janewoore 1939 | 3.540.000 | 1.066.000 | 2.474.000 |
15. Janewoore 1959 | 4.044.000 | 1.713.000 | 2.331.000 |
15.-22. Janewoore 1970 | 4.686.000 | 2.240.000 | 2.446.000 |
17. Janewoore 1979 | 5.015.000 | 2.608.000 | 2.407.000 |
12.-19. Janewoore 1989[2] | 5.443.000 | 3.035.000 | 2.407.000 |
Det Georgisk SSR wurd 25. Febrewoore 1921 üüs en suwereen stoot grünjlaanjen. Det wurd 1922 dial faan det Transkaukaasisk SSR, wat dial faan det nei grünjlaanjen Sowjetunioon wurd. 1936 wurd det Transkaukaasisk SSR ufskaafet an iin uun trii republiiken apdiald: Det Georgisk SSR, det Armeens SSR an det Aserbaidschaans SSR. 4. Nofember 1990 wurd det at Republiik Georgien amneemd, man bleew at republiik dial faan't Sowjetunioon. 9. April 1991 ferklaaret at republiik sin suwereniteet. At suwereniteet wurd 31. Deetsember 1991 uunkäänd, üüs at Sowjetunioon ham apliaset.
Det regiaringspartei wiar det Georgisk Komunistisk Partei, wat en twiig faan det Komunistisk Partei faan't Sowjetunioon wiar.