![]() |
Det Armeens Sosialistisk Sowjetrepubliik (kurt: Armeens SSR, Sowjetisk Armeenien of Armeenien; üüb Armeens: Հայկական Սովետական Սոցիալիստական Հանրապետություն Haykakan Sovetakan Soc'ialistakan Hanrapetut'yun; üüb Rüs: Армянская Советская Социалистическая Республика Armjanskaja Sovetskaja Socialističeskaja Respublika) wiar faan 1936 tu 1991 ian faan a republiiken uun't Sowjetunioon.
Dön tjiin gratst steeden uun't republiik wiar:
# | Steed | Lidj (1989)[1] |
---|---|---|
1 | Jerewan | 1.201.539 |
2 | Leeninakan | 122.587 |
3 | Kirowakan | 75.616 |
4 | Hrasdan | 60.839 |
5 | Wagharschapat | 60.540 |
6 | Abowjan | 58.671 |
7 | Hoktemberjan | 46.857 |
8 | Kapan | 42.375 |
9 | Tscharentsawan | 33.900 |
10 | Artaschat | 32.324 |
Det letst folksteeling uun't Sowjetunioon wiar uun't juar 1989. Efter a resultooten hed det Armeens SSR 3.287.677 lidj: 1.661.910 diarfaan wiar wüfhööd an 1.625.767 karmen, 2.229.540 lewet uun a steeden an 1.058.137 üüb't lun[2].
Det Armeens SSR wurd uun Deetsember 1920 üüs en suwereen stoot grünjlaanjen. Det wurd 1922 dial faan det Transkaukaasisk SSR, wat dial faan det nei grünjlaanjen Sowjetunioon wurd. 1936 wurd det Transkaukaasisk SSR ufskaafet an iin uun trii republiiken apdiald: det Armeens SSR, det Aserbaidschaans SSR an det Georgisk SSR. 23. August 1990 wurd det at Republiik Armeenien amneemd, man bleew at republiik dial faan't Sowjetunioon. 23. September 1991 ferklaaret at republiik sin suwereniteet. At suwereniteet wurd 31. Deetsember 1991 uunkäänd, üüs at Sowjetunioon ham apliaset.
Det iansig regiaringspartei wiar det Armeens Komunistisk Partei, wat en twiig faan det Komunistisk Partei faan't Sowjetunioon wiar.
Hoodmaaner faan det Komunistisk Partei faan Armeenien: