numero
Beletra Almanako 16

Speco	Literatura revuo
Formato	146 paĝoj, proks. 21,3 cm x 13,8 cm
Dato	februaro 2013

Lando	Usono
Urbo	Novjorko
Posedanto	Mondial
Publikigisto	Ulrich Becker
Redaktisto	Probal Daŝgupto kaj István Ertl
Ĉefredaktisto	Jorge Camacho
Establodato	septembro 2007
ISSN	1937-3325
ISBN	ISBN 978-1-5956-9258-0

Adreso	203 W 107th St #6C, Novjorko (New York) NY 10025, Usono (USA)
Retejo	Beletra Almanako 16
v • d • r

BA16 estas la deksesa numero de la literatura libroforma revuo Beletra Almanako (BA), aperinta en februaro 2013.

Enhavo

Prezento (Jorge Camacho)

Jesper Jacobsen: Arkta simfonio, pri ŝipo kiu restas blokita inter la arkta glacio.

Liven Dek: Hajkoj al la ibera kvaropo, nome al Miguel Fernández, Gonçalo Neves, Abel Montagut, Jorge Camacho kaj Liven Dek mem.
Alexandrine Omba: Vivo.
Baldur Ragnarsson: Senekipe; Halto.

Robindronath Tagor: Kvar poemoj: Kanto 1; Kanto 2; Kanto 3; La ora barko (trad. Probal Daŝgupto)

Humphrey Tonkin: 125 jaroj: Esperanto tiam kaj nun. Trarigardo al historio de Esperanto. Unue enkuntekstigo de ĝia naskiĝo en epoko de revolucioj de grandurboj, industriiĝo, internaciaj institucioj, revoj pri mondo sen landlimoj ktp. Poste esperantistoj ne kapablis aliri gravajn defiojn ĉefe pro manko de fortoj. La angla lingvo kreskis multege kaj Esperanto povas nur fariĝi la alternativa internacia lingvo.
Mikaelo Bronŝtejn: 20-jara Impeto: jubileo kaj funebro. Historio de la rusa eldonejo Impeto, ege grava pro siaj esperantaj produktoj kaj biografio de ĝia kreinto Aleksandr Ŝevĉenko, kiu jŭs mortis
Mikaelo Bronŝtejn: Strugackij. Analizo de la literatura fenomeno de la fratoj Strugackij, kreintoj ĉefe de sciencfikciaj verkoj kiuj iĝis ege popularaj el la 1960-aj jaroj en Sovetunio. Komentoj pri iliaj romanoj Malfacilas esti dio, Lundo ekas sabate, Pikniko ĉe vojrando kaj Fabelo pri la Triopo, kaj pri iliaj versioj en Esperanto.
Gunnar Gällmo: Harry Harrison, 12.3.1925-15.8.2012. Nekrologo pri sciencfikcia aŭtoro kaj esperantisto Harry Harrison.

Andreas Künzli pri Mia stelo, de Felicja Raszkin-Nowak (trad. T. Chmielik kaj L. Ligęza). Pri membiografio de jus apolino, kiu travivis la nazian epokon en la geto de Bjalistoko, la teruraĵojn de la Dua Mondmilito kaj la komunisman epokon, ĝis sia elmigro el Pollando.

Branĉo Eseo: Aleksandro Melnikov. Leksikaj novismoj kaj neologismoj: anatemi aŭ odi? Eseo pri esperantaj leksikaj novismoj kaj neologismoj kun emfazo de iliaj fontoj. Tialoj por novaj vortoj: vivo ŝanĝiĝas, stiloj disevoluas, kaj estas necesaj por lingvopersoneco. Diversaj tipoj de neologismoj en Esperanto: por unufoja uzo (edzperanto, duonjuana) kiuj ne intencas eniri en la lingvon; kiuj inkludas novan sencon (samideano, krokodilo; el propraj nomoj (kabei): Naskozonoj de neologismoj: etnonimoj, ekzemple devena de la rusaj aŭ japanaj lingvoj kaj kulturoj; teknonimoj, tio estas teknikaj terminoj; kaj novaj kulturemoj. Interferolekto estus aro da influoj devenaj el gepatra aŭ normale uzata lingvoj. Konkludoj: oni nur skizas, estas neeviteblaj la apero de neologismoj, kaj same la apero de kontraŭneologoj, oni devus ellabori kriteriojn de (mal)dezirindeco de konkretaj neologismo-kandidatoj.
Branĉo Teatro: Carmel Mallia. Najbaroj. Teatraĵo pri milita stato inter du najbaraj ŝtatoj, nome la Valo kaj la Monto, kies generalo estas agresema kaj tute intencas konkeri la Valon. Vidvino Nadja aliras la malamikan tendaron, allogas la generalon, kiu ebria, vekas la opozicion de sia popolo. Nadja laboras por sia urbestro Mikaelo, kiu estas enamiĝinta de Nadja.

Eksteraj ligiloj

v • d • rBeletra Almanako

Kategorioj