Wappe | Ditschlandkart | |
---|---|---|
| ||
Basisdate | ||
Bundesland: | Bade-Wirttebärg | |
Regierungsbezirk: | Friiburig | |
Krais: | Ortenaugrais | |
Heh: | 205 m i. NHN | |
Flech: | 33,3 km² | |
Iiwohner: |
3992 (31. Dez. 2022)[1] | |
Bevelkerungsdicht: | 120 Iiwohner je km² | |
Boschtlaitzahl: | 77790 | |
Vorwahl: | 07832 | |
Kfz-Kennzaiche: | OG | |
Gmeischlissel: | 08 3 17 129 | |
NUTS: | DE181 | |
Adress vun dr Gmaiverwaltung: |
Kirchstraße 4 77790 Schdaine | |
Webpräsenz: | ||
Burgermaischter: | Nicolai Bischler (CDU) | |
Lag vun vo de Gmai Schdaine im Ortenaugrais | ||
Schdaine (dt. Steinach) isch e Gmai im Ortenaugrais z Bade-Wirtteberg.
Schdaine leit im Kinzigdal im mittlere Schwarzwald zwische 200 un 600 Meter Hechi. Dr Bann bstoht us 37,8 % Landwirtschaftsflechi, 53,5 % Wald, 7,2 % Sidlungsflechi un 1,6 % sunschtiger Flechi.[2]
D Gmai grenzt im Norde on Biibere un d Schtadt Zell, im Oschte on d Schtadt Haasle, im Side on Hofschtette un im Weschte ons Schudderdaal.
Zue dr Gmai ghert nebe Schdaine noch dr Ortsdail Welscheschdaine (dt. Welschensteinach).
Zue Schdaine ghere s glichnamig Dorf, d Wiiler Bocksbach, Hinterbach, Lachen, Niederbach, Oberbach, Sarach, Schwenden un Stricker(höfe), dr Gmaidail Krafzig, dr Zinke Einet, d Heef Bolinsberg (Bellisberg), Dochbach (Mittel, Ober un Unter), Runzengraben un Wanglig un d Wohnblätze Artenberg, Eichlesmatt, Großmatt un Im Leh. Zue dr ehmolige Gmai Welscheschdaine ghere d Derfer Obertal un Untertal un d Heef Birlinsbach, Klettner, Langbrunnen un Mühlsbach.[3]
Schdaine isch 1139 zum erschte Mol in re Urkund vum Papscht Innozenz II. gnännt worre, wu de Papscht em Kloschter Gengebach de Bsitz vun Schdaine din bstätigt ghaa het.
D Gmeind ghert de Verinbarte Verwaltungsgmainschaft mit de Schtadt Hasle on.
Schdaine lejt on de B33, wu s noch Sidoschte iwer de Schwarzwald mit Villinge-Schwenninge, Donaueschinge un de Bodeseegegend verbindet. Sie bildet noch Nordweschte d Houptverbindungsschtross durchs Kinzigtal noch Offeburg. D L103 verbindet de Ortsdail Welscheschdainä mit Schdaine.
D Gmai lejt on de Schwarzwaldbohn un het e Bohnhof, wu d Regionalzig vun de Ditsche Bohn un au Zig vun de Ortenau-S-Bahn onhalte.
Z Schdaine git s e Grund- un Houptschuel mit Werkrealschuel, im Ortsdail Welscheschdaine isch e anderi Grundschuel. D negscht Realschuel isch z Hasle, s negscht Gimnasium z Huuse.
Dr Dialäkt vun Schdainä ghert zum Owerrhinalemannisch.