Riwalnijhî on mot calké lanawaire d' ene langue etrindjire, c' est lyi apliker les minmes rîles di fonolodjeye ki les pus vîs mots walons ki lyi rshonnèt. Li rwalnijhaedje est on boket do rfondaedje.
Li rwalnijhaedje a a vey avou des mots po des atuzes ki n' esgzistèt nén co e walon (trôs d' motlî). Li disfrancijhaedje, c' est sayî di trover des vîs mots u des viyès ratourneures walones k' egzistèt ddja, estô di scrire e franlon.
Come les nos d' djins scrîts e-n èn alfabet nén latén divèt di tote foice esse rimetous e scrijhaedje walon, on s' pout permete di fé l' minme avou les nos d' djins scrîts dins des ôtes lingaedjes sicrîts e l' alfabet latén. C' est l' minme ovraedje.