't Muntpling is e pling in Brugge. 't Muntpling ligt lanst de Gêerwynstroate en lopt no de Geldmuntstroate oj goat lanst de Gêerwynstroate en de Muntpôorte.
Vôgns d' archievn wastr in 1303 ip die plekke e Munt-werkplatse geleegn. Die werkplatse was vôdien ip de Grôote Mart, in e gebow dat ton ook de noame "D' Oede Munte" krêeg. 't Niewe gebow was e grôote werkplatse mê uutgangn in de Geldmuntstroate, d' Oentvangerstroate en de Gêerwynstroate.
In 1786 wierd de Brugsche munt-werkplatse ofgeschaft. In 1884 wierden d' oovregebleevn gebown ofgebrookn en kwam 't pling toe stand lik of datr nu by ligt en dat bygevôg ook de Munteplatse wierd gêetn.