Jules Lagae (Roeseloare, 15 moarte 1862 – Brugge 1931) wos e West-Vlamsche beeldhouwer.

Jules Lagae wos den derdn van acht jounges. Je krêeg zyn êeste ipleidienge in de kunste an d'academie van Roeseloare ounder Henri Horrie. Ost 'n vêertien joar oud was giengt 'n werkn in e wienkel in Roeseloare woa dat 'n lêerdege zoagn, kappn, ornamentn snyen, iengeltjes en hèilign beeldhouwn vo biecht-en prèkstoeln. In 1880 kreegt 'n de keure vo zyn studies vôort te zettn in Brussel an d' Academie vo Schône Kunstn, met de steun van de stad en de provinsje.

Je bleef ton een ende in Brussel weunen en je werktege êest by Charles Van der Stappen en loater by Jef Lambeaux.

In 1888 het 'n de prys van Rome gewonnen mè 't beeld De Zaaier. Je trok ton noar Itoalië en je blêef doa drie joar lank in Firenze, woa dat 'n styf ounder den indruk kwam van Donatello.

Je kwam were uut Itoalië met e dêel werkn, lik de Boetelingen, nu in 't Museum van Gent en Moeder en Kind, da bekrôond wierd in München met de "grôte goudn êrepennienge".

• Standbeeld van Albrecht Rodenbach ip 't Pieter-De-Coninckpling in Roeseloare
• De Drie Zustersteden, stadhuus Roeseloare
• Treurende moeder, stedelik kerkhof Roeseloare
• Ouders, stedelik kerkhof Roeseloare
• Grafmonument Albrecht Rodenbach, stedelik kerkhof Roeseloare
• Beeld van Guido Gezelle, Klêen Seminoarie Roeseloare
• Standbeeld van Guido Gezelle ip 't Guido Gezellepling in Brugge
• Borstbeeld van Guido Gezelle in den hof van 't Guido Gezellemuseum in Brugge
• Beeld van Maria van Bourgondië (Flandria Nostra) ip 't Muntpling in Brugge
• Borstbeeld van Guido Gezelle an d' O.-L.-Vrouwekerke in Kortryk (1903)
• Standbeeld van Van Beneden in Mecheln
• Standbeeld van Ledeganck in Eeklo
• Beeld De vier generaties in de botaniekn hof in Brussel

• An de stoatie van Roeseloare stoat er e monument ter êre van Jules Lagae
• In Roeseloare ist er ook e stroate noar hem vernoemd
• In 1962 is ter vo d'hounderdste verjoardag van zyn geborte e bronzn ploate vor hem ing'huldigd, werk van Josuë Dupon

Ofbeeldiengn die ier by passn ku je vien in de categorie Jules Lagae van Wikimedia Commons.