Mahmud Salohiddinov
Tavalludi	23-noyabr 1933 Namangan shahri, Namangan, O‘zbekiston SSR, SSSR
Vafoti	27-aprel 2018-yil(2018-04-27) (84 yoshda) O‘zbekiston
Istiqomat joylari	Namangan shahri → Toshkent
Fuqaroligi	SSSR → Oʻzbekiston
Mukofotlari

Mahmud Salohiddinovich Salohiddinov (23-noyabr 1933-yil, Namangan shahri, Namangan, O‘zbekiston SSR, SSSR – 27-aprel 2018-yil O‘zbekiston) – sovet va oʻzbek matematik olim, fizika-matematika fanlari doktori, professor, Oʻzbekiston Respublikasi Fanlar akademiyasi akademigi (1974), Oʻzbekistonda xizmat koʻrsatgan fan arbobi (1984), professor (1969). , Oʻzbekiston Fanlar akademiyasi vitseprezidenti (1984—85), Oʻzbekiston Oliy va oʻrta maxsus taʼlim vaziri (1985 – 88), Oʻzbekiston Fanlar akademiyasi prezidenti (1988—94). Oʻzbekiston Fanlar akademiyasi fizikamatematika fanlari boʻlimi raisi (1994—97). Oʻzbekiston Fanlar akademiyasi Matematika institutida boʻlim mudiri (1974-yildan), UzMU professor (2000-yildan). Beruniy nomidagi Oʻzbekiston Davlat mukofoti laureati (1974)^[1].

Oʻzbekiston Respublikasi Prezidenti farmonlariga asosan „Oʻzbekiston fan arbobi“ faxriy unvoni, „O‘zbekiston Respublikasining Faxriy yorlig‘i“, „Oʻzbekiston xalq maorifi aʼlochisi“, „Buyuk xizmatlari uchun ordeni“, „Fidokorona xizmatlari uchun ordeni“, „Mehnat shuhrati ordeni“ va "Hurmat Belgisi" ordenlari bilan taqdirlangan^[⇨].

Mahmud Salohiddinovich Salohiddinov 1933-yil 23-noyabrda Namangan shahrida tavallud topgan.

Urta Osiyo universitetining fizikamatematika fakultetini tugatgan (1955), shu universitetda aspirant (1955— 58) va matematik analiz kafedrasida oʻqituvchi (1958 – 59), differensial tenglamalar kafedrasi mudiri (1980—86, 1993—96). Oʻzbekiston Fanlar akademiyasi Matematika institutida ilmiy xodim, boʻlim mudiri, ilmiy ishlar boʻyicha direktor oʻrinbosari (1959—67), direktori (1959—85), Oʻzbekiston Fanlar akademiyasi vitseprezidenti (1984—85), Oʻzbekiston Oliy va oʻrta maxsus taʼlim vaziri (1985 – 88), Oʻzbekiston Fanlar akademiyasi prezidenti (1988—94). Oʻzbekiston Fanlar akademiyasi fizikamatematika fanlari boʻlimi raisi (1994—97). Oʻzbekiston Fanlar akademiyasi Matematika institutida boʻlim mudiri (1974-yildan), UzMU professor (2000-yildan).

Ilmiy ishlari chiziqli boʻlmagan xususiy hosilali differensial tenglamalar tizimi uchun Koshi masalasitl hal qilishga, chegarada buziladigan differensial tenglamalar uchun qoʻyilgan chegaraviy masalalar nazariyasiga, nazariy va ama;iy ahamiyatga ega boʻlgan aralash hamda aralashqoʻshma tipli tenglamalar nazariyasiga oid. S. aralashqoʻshma tipli differensial tenglamalar nazariyasini rivojlantirib, ularning toʻla tadriji va kanonik koʻrinishlarini topgan, har bir xrl uchun bir qancha yangi masalalar qoʻyib tekshirgan. Beruniy nomidagi Oʻzbekiston Davlat mukofoti laureati (1974)^[1].

• „Oʻzbekiston fan arbobi“ faxriy unvoni (1984-yil)
• „Beruniy nomidagi Oʻzbekiston Respublikasi davlat mukofoti“ (1974-yil)
• „Buyuk xizmatlari uchun ordeni“ (2007-yil)
• „Fidokorona xizmatlari uchun ordeni“ (2017-yil)
• „Mehnat shuhrati ordeni“ (2003-yil)
• „Hurmat Belgisi“ ordeni (1976-yil)
• „Mustaqillik nishoni“ (1992-yil)
• O‘zbekiston Respublikasining Faxriy yorlig‘i
• „Oʻzbekiston xalq maorifi aʼlochisi“ (1976-yil)

• M.Ulugʻbek nomidagi Oʻzbekiston Milliy universiteti ilmiy kengashi qaroriga asosan „Yuksak xizmatlari uchun“ (1992-y) belgisi bilan taqdirlangan.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.