Abastumani (gruzincha: აბასთუმანი) kichik shaharcha (daba) va Adigeni munitsipalitetidagi iqlim kurorti, Samtsxe - Javaxeti, Gruziya.U Mesxeti tizmasining (Kichik Kavkaz) janubiy yon bagʻirlarida, Otsxe kichik daryosi vodiysida,Adigenidan 25 km shimoli-sharqda va gʻarbiy Axaltsixedan 28 km uzoqlikda joylashgan.2014-yildagi aholini roʻyhatga olish maʼlumotlariga koʻra, uning aholisi 937 kishini tashkil etadi. Abastumani shahrida Gruziya milliy astrofizika observatoriyasi joylashgan.
Oʻrta asrlarda Gruziyada hozirgi Abastumani hududi Odzrxe tumanining bir qismi boʻlib, shaharcha yaqinidagi xarobalari saqlanib qolgan qal’a nomi bilan atalgan.16-asrda u Usmonli imperiyasi qoʻliga oʻtdi, uning hukmronligi ostida hudud choʻl edi, lekin uning issiq buloqlari diqqatga sazovor boʻlgan va mahalliy aholi tomonidan tez-tez tashrif buyurilgan. Rossiya hukmronligi ostida Fridentalning qisqa muddatli Germaniya mustamlakasi (ruscha: Фрейденталь) 1842-yilda shu yerda paydo boʻlgan.1850-yillarda u Kavkaz vitse-qiroli Mixail Vorontsov boshchiligida ruslar tomonidan qayta mustamlaka qilindi. Yangi aholi punkti yaqin atrofdagi qishloq nomidan Abbos-Tuman nomini oldi va iqlimi va termal suvlari bilan mashhur boʻldi. Uning kurort sifatida rivojlanishi, asosan, Rossiya imperatorlik oilasining aʼzosi boʻlgan, sogʻligʻi tufayli nafaqaga chiqqan Buyuk Gertsog Jorj Aleksandrovich (1871-1899) bilan bogʻliq. Abastumani 1926-yilda Sovet Ittifoqiga qarashli shahar tipidagi aholi punkti (gruz. daba) maqomini oldi[1] 2000-yillarning oʻrtalaridan boshlab shahar turizm infratuzilmasi qayta tiklandi[2].
Abastumani oʻrtacha quruq togʻli iqlimga ega, nisbiy namlik faqat yozda 50% ga yetadi. Quyosh nurlarining yillik oʻrtacha soati 3000 soatni tashkil qiladi. Oʻrtacha yillik yogʻin miqdori 626 mm. Oʻrtacha yillik harorat yanvarda 6.4–6.5 °C (44–44 °F) ni, iyulda 17.2 °C (63 °F) ni tashkil etadi. Abastumani uchta gipertermik buloq (39-48,5 °C), kam minerallashgan va sulfat-natriy xloridli suv havzalariga ega. Ular uzoq vaqt davomida sil kasalligini davolashda ishlatilgan[3]. Abastumani, shuningdek, Borjomi-Xaragauli milliy bogʻiga tashrif buyuruvchilar uchun boshlangʻich nuqtadir.
Abastumani sayohatchilarga va sanatoriyalarga ega kurort shaharcha boʻlishdan tashqari, oʻzining oʻrta asr va zamonaviy tarixini aks ettiruvchi bir nechta tarixiy va madaniy diqqatga sazovor joylariga ham ega. Bular: