Sheena Blackhall

Sheena Blackhall (b.1947, Aiberdeen) is a Nor' Aest scriever, illustrator, tradietional ballant sangster an shenachie. Ootthrou 1998−2003 she wis Creative Writing Fellow at Aiberdeen Varsity's Elphinstone Institute.[1]

Career

[eedit | eedit soorce]

Sheena Blackhall is a screiver, illustrator, tradietional ballant singer an shennachie in Nor East Scotland. Frae 1998 tae 2003 she wis Creative Screivin Fellow in Scots at Aiberdeen Vairsity’s Elphinstone Institute an eenoo is an Honorar Research Associate yonner.[1] In 2009 she becam Makar (poet laureate) fur Aiberdeen an the Nor East.[2] Twa o her plays fur bairns wis televised, The Nicht Bus and The Broken Hert. Alang wi Les Wheeler, she co-edits the Doric wabsteid "Elphinstone Kist", an has wirked on the Aiberdeen Reading Bus as a shennachie an screiver.[3]

In 2003 she traivelled as pairt o a boorich tae Washington, showcasin Scotlan's cultur as a guest o the Smithsonian Institution.[4] In 2007 she wis Creative Screivin Tutor at the Institute o Irish an Scottish lear at King's College, an twa years eftir wis Screiver in Residence durin Aiberdeen Vairsity’s Wird Festival.

Airly years an study

[eedit | eedit soorce]

Sheena Blackhall wis born Sheena Booth Middleton in 1947 in Aiberdeen, dother o the manager o Strachan's Deeside Omnibus Service, Chae Middleton, an his secunt cousin, fairmer's dother Winifred Booth.[citation needit] She wis educatit in Aiberdeen, bit simmered in Ballater fur a wheen years.[citation needit]

Aifter a year's study at Gray's Schule o Art, Blackhall wrocht fur a while as a speecial needs teacher, whaun she scrieved tales fur BBC Radio Scotland’s producer Frieda Morrison.[5] In 1994 she wan a Bsc (Hons. Psych) frae the Open University, gaun on tae get an M.Litt wi Distinction frae Aiberdeen Vairsity in 2000.[3]

Awairds

[eedit | eedit soorce]

In April 2009 she wis creatit Makar for Aberdeen and the Nor East o Scotland. She haes wun the Robert McLellan tassie fur best Scots short story 3 times (1989,1990,2001) an the Hugh MacDiarmid trophy fur best Scots poem 4 times (1990,2000,2001,2010).[6] In 1992 she skared the Sloane Award wi Matthew Fitt, frae the Varsity of Saunt Aundraes.[3] Ither prizes is awards frae the Doric Festival, the Bennachie Baillies, an frae the TMSA fur ballant scrievin an tradietional singin.[6] She his twice bin shortlisted fur the Callum Macdonald Poetry Pamphlet prize (2005 & 2009).[6] In 2007, Lallans Magazine gied her the William Gilchrist Graham prize fur best Scots short story. She haes likewyse bin shortlistit fur the McCash poetry prize. In 2013 she wan 1st prize in Bipolar Scotland's Short Story Competition, in 2014 she becam a Patron o Readin.[6]

Blackhall is a Honorary Fellow o the Wird Centre for Creative Screivin at Aiberdeen University an aa. In 2018 she wis gien the award o Maister o the University bi Aiberdeen University. In 2019 she wis presentit wi the Janet Paisley Lifetime Achievement Award for her wark in Scots.[7] In Novemmer 2019, she wis made Nor East Makar fur three years, bi the Doric Boord. In 2020 Blackhall becam a Honorary Officer o Merit  o the Confraternity o the Knights o the Maist Haly Trinity (Priory o Scotland) . She wis tae be awardit the Eagle o Honour medal, tae be presentit bi the Knights efter the corona virus pandemic wis ower.[8] In 2021 she was named as Ambassador for Scots fur the Scottish Poetry Library.[9][10]

Selectit warks

[eedit | eedit soorce]

Poems

[eedit | eedit soorce]

Stories

[eedit | eedit soorce]

Novellas

[eedit | eedit soorce]

Bairn’s fiction

[eedit | eedit soorce]

Owersettins

[eedit | eedit soorce]

Airtins

[eedit | eedit soorce]


References

[eedit | eedit soorce]
  1. ↑ a b "Sheena Blackhall - Poet". Scottish Poetry Library (in Inglis). Retrieved 20 Januar 2022.
  2. ↑ Robertson, Kirsten. "Sheena Blackhall named north-east Makar by Doric Board". Press and Journal (in Inglis). Retrieved 20 Januar 2022.
  3. ↑ a b c "Sheena Blackhall". Scottish Traditional Music Hall of Fame (in Inglis). 22 October 2019. Retrieved 20 Januar 2022.
  4. ↑ Drysdale, Neil. "Doric Quine Sheena Blackhall reveals pupil attack and suicide bid in new autobiography". Press and Journal (in Inglis). Retrieved 20 Januar 2022.
  5. ↑ "Scotslanguage.com - Jessie the Jumbo". www.scotslanguage.com (in Inglis). Retrieved 20 Januar 2022.
  6. ↑ a b c d "Author: Sheena Blackhall". Scottish Book Trust (in Inglis). Retrieved 20 Januar 2022.
  7. ↑ "Lifetime Achievement Award for Sheena Blackhall | News | The University of Aberdeen". www.abdn.ac.uk. Retrieved 20 Januar 2022.
  8. ↑ "News". KHT (in Inglis). Archived frae the original on 20 Januar 2022. Retrieved 20 Januar 2022.
  9. ↑ "Sheena Blackhall - SPL Ambassador". The Doric Board (in Inglis). 14 Juin 2021. Retrieved 20 Januar 2022.
  10. ↑ "Poetry Ambassadors 2021". Scottish Poetry Library (in Inglis). Retrieved 20 Januar 2022.
Categeries