Janet Violet Paisley née McNaught (12 Januar 1948 – 9 November 2018) wis a writer, poet an playwricht frae Scotland writin in Scots an Inglis.[1] Her wirk haes been pit ower intae German, Roushin, Lithuanien, Slovak, Spainis, Hungarian, Ukrainian an Italian.[2]
Paisley wis born Janet Violet McNaught in Ilford, Inglan, on 12 Janiwar 1948.[3] Her mither wis Harriet McNaught (née Wilson) teuk her an her twa sisters til Avonbridge,[4] whaur thay bade wi thair grandfaither.[3] She wint tae Callendar Park College of Education, graduatin in 1969.[3]
She mairriet whan she wis 21 in Juin 1969.[5]
She wis the mither o seivin loons, includin actor David Paisley.[6] Ane dee'd in bairnheid.[3]
She deed on 9 November 2018 fae cancer o the buffs.[7][3]
She wis a member o the Wirkin Pairty for a Scottish National Theatre, the SAC Scots Language Synergy, an the Cross Pairty Parliamentary Group for the Scots Language.[8] She held three Creative Writing Fellowships, received twa Scottish Airts Council Writer's Bursaries an a Playwright's Bursary, editit New Writing Scotland an co-ordinated the furst Scottish PEN Weemen Writers Committee.
Her first play Refuge won the Peggy Ramsay Awaird in 1996.[9] She wis gien a Creative Scotlan Awaird tae write Not for Glory (2000),[10] a quair o airtit short stories in Scots set in a smaw clachan in Central Scotland. Not for Glory wis ane o the ten Scottish finalists votit fur bi the public in the 2003 World Book Day 'We are what we read' poll.[11]
The short film Long Haul, written bi Paisley, won a BAFTA nomination in 2001.[12]
|deadurl=
ignored (help)