| 2007 | Abbinimenti dû 2008 | 2009 |
|---|---|---|
| Jinnaru 2008 | Frivaru 2008 | Marzu 2008 | Aprili 2008 | Maiu 2008 | Giugnu 2008 | Giugnettu 2008 | Austu 2008 | Sittèmmiru 2008 | Uttùviru 2008 | Nuvèmmiru 2008 | Dicèmmiru 2008 | ||
4 di maiu, sabbatudìa
- Nàpuli: S'arripitìu ê 7,43 di sira lu miràculu di San Ginnaru a Nàpoli. Lu svintulìu dû fazzulettu jancu, signaliàu la liquifazzioni dô sangu dô Santu.
6 di maiu, martidìa
- Rangoon: 'N sèquitu a n'uraganu ntô sud dâ Birmania si stimanu 27 mila morti e 41 mila dispersi, senza cuntari li danni ê cosi.
10 di maiu, sabbatudìa
- Libbanu: Beirut - Lu primu ministru libbanisi Fuad Siniora dissi aoggi nta na cunfirenza stampa ca Hezbollah fici «nu corpu di statu armatu» contru a la dimucrazzìa libbanisa: «La dimucrazzìa hà statu pugnalata ntô cori, ma lu Statu libbanisi non s'arreni ô corpu di statu». Ntantu ancora aoggi a Beirut sei pirsuni foru ammazzati e n'autri vinti foru firiti di òmini armati.
12 di maiu, lunidìa
- Catania: L'Etna trasìu n'eruzzioni, cummigghiannu di cìniri la riggiuni a nord est dû vurcanu e eruttannu lava. L'attività lavica è pirò assai scarsa e senza pirìculu pi cosi e pirsuni.
- Cina: nu tirrimotu di na magnitudini di 7,8 dâ scala Richter curpìu lu sud dâ Cina causannu danni. Si parra di 8000 morti (bilanciu pruvvisoriu).
16 di maiu, venniridìa
- Caltanissetta: Li tri picciotti chi ammazzaru na carusa di 14 anni a Niscemi cunfissaru tutti cosi. Rischianu 30 anni di calera.
17 di maiu, sabbatudìa
- Cina: pô tirrimotu ca curpìu lu sud dâ Cina, si cùntanu cchiossai di 50.000 morti. Chistu hà statu pâ Cina lu tirrimotu cchiù forti di l'ùrtimi 200 anni.
18 di maiu, duminicadìa
- Sport: Lu Catania, pariggiannu câ Roma, si sarvau dâ ritrucissioni. L'Inter vincìu lu sò 16èsimu scudettu.
20 di maiu, martidìa
- Sport: Lu cummissàriu tècnicu di la nazziunali taliana di càuciu, Robertu Donadoni, a l'ori 15,00 di oggi, cumunicau la lista dê 24 cunvucati pî campiunati auropei Àustria-Svìzzira 2008.
- Strasburgu: Ortri a la Spagna, macari l'UE nni sta manciannu â facci pô fattu ca succidìu ntô napulitanu contru a li campi nòmadi dî ROM, pî pruvvidementi di liggi ca voli mintiri lu cuvernu contru a li mmigrati clannistini e macari pâ munnizza ntâ Campania, ca passi na cosa di "ddà banna ô munnu".
23 di maiu venniridìa
- Roma: Lu cuvèrnu dichiara chi lu ponti di Missina è n'òpira prioritaria e lu travagghiu putissi accuminzari ggià ntô 2009.
24 di maiu sabbutudìa
- Calàbbria: Mpurtanti upirazzioni dâ polizzia. Giuseppi Nirta, liatu â 'ndrangheta ispiraturi dâ faida mafiusa di San Luca e unu dî 100 pirsuni cchiù ricircati n'Italia fu arristatu.
25 di maiu, duminicadìa
- Colombia: Li Farc annunciaru la morti dû capu Manuel Marulanda, all'etati di 80 anni. Ci sunnu attorna spiranzi pi la libbirazzioni di l'ostaggi civili, tra cui la francu-colombiana Ingrid Betancourt.
26 di maiu, lunidìa
