Colombia: Ingrid Betancourt, di 6 anni mmanu dî guerriglieri dû FARC, vinni libbirata òi nzèmmula a n'àutri 14 pirsuni doppu nu blitz di l'asèrcitu colombianu.
Tokyo: Li ottu paisi dû G8 si ni ncòntranu 'n Giappuni. Pi cummàttari chî canciamenti climàtici, prupòninu tagghiari a mitati l'emissioni di Gas jintra l'annu 2050.
Belgradu: Radovan Karadžić, mèdicu serbu-bosniacu ricircatu pû genocidiu, crimini di guerra e crimini contr'a l'umanitati dû Tribunali Pinali Ntirnazziunali pi l'ex-Jugoslavia, fu arristatu veniridìa 18 di giugnettu a na banna vicinu a Belgradu.
Roma: Lu prisidenti dû Cumitatu Olìmpicu Nazziunali Italianu, Gianni Petrucci, havi òi ufficializzatu la squatra azzurra chi sta pi pàrtiri a participari ê Jòcura olìmpici di Pechinu. Veni furmata di 347 attileti.
L'iscrizzioni dû FC Missina 'n Seria B di palluni pi lu 2008-2009 fu rifiutata. Cu la pubbricazzioni dû calindariu dî partiti cu l'Avillinu ô postu di Missina si sancisci di fattu la radiazzioni dâ squatra di capiunati prufissiunistici.
Gela: Ieri fu ripiscatu nu rilittu di na navi greca datata dû 500 a.C. Lu statu ginirali dâ navi, scuperta ntô 1988 è bonu grazzî ô funnu argillusu dû mari.
New York: Nu tribbunali desi raggiuni a Alinghi ntô cuntinziusu contra Oracle. La America's Cup ca veni nun è cchiù privista comu duellu di catamarani gicanti, ma graputa a tutti l'autri challengers.