| 2005 | Abbinimenti dû 2006 | 2007 |
|---|---|---|
| Jinnaru 2006 | Frivaru 2006 | Marzu 2006 | Aprili 2006 | Maiu 2006 | Giugnu 2006 | Giugnettu 2006 | Austu 2006 | Sittèmmiru 2006 | Uttùviru 2006 | Nuvèmmiru 2006 | Dicèmmiru 2006 | ||
1 di jinnaru, duminicadìa
- Italia - 1 Mortu e 583 pirsuni firuti: chissu è chiddu chi pruvucaru li botti di la notti di capudannu 'n tutta l'Italia. Lu mortu è un picciottu di 22 anni di Siminara, paisi dâ pruvincia di Riggiu Calabbria.
3 di jinnaru, mercuridìa
- Mosca - La Russia e l'Ucraina tròvunu n'accordu supra la sciarra dû gas. L'Ucraina paia lu prezzu nurmali di 230 dollari pi milli metri cubbi di gas, ma la Russia paia 1,6 dollari pi ogni milli metri cubi di gas chi attravèrsunu lu tirritoriu ucrainu pi finiri nta l'Europa occidintali.
4 di jinnaru, jovidìa
- Gerusalemmi - Lu primu ministru israelianu fu ricoviratu ô spitali. Ariel Sharon doppu lu ricòviru dû misi scursu appi n'àutru attaccu ô ciriveddu.
6 di jinnaru, venniridìa
- Yemen - Foru tutti libbirati li cincu turisti taliani siquistrati a Sanaa.
8 di jinnaru, duminicadìa
- Ateni - Forti tirrimotu cu epicentru ntô Mari Eggeu, avvirtutu 'n tutta la Grecia, ntô Sud Italia e puru in Eggittu. Pi furtuna nun ci foru morti.
- Istanbul - L'auturi di l'attintatu ô papa Giuvanni Paulu II, lu turcu Alì Agca, sta simana torna lìbbiru pi na dicisioni di un tribbunali turcu.
10 di jinnaru, martidìa
- Madrid - Ntra li pruvincî di Madrid e di Barcillona, foru arristati oi 20 pirsuni accusati di èssiri tirruristi slàmici e di fari parti di dui diffirenti cèlluli prisenti nta lu tirritoriu spagnolu; ci sunnu assai prubbabbilità ca di una di chissi partìu lu tirrurista chi participau a l'attintatu di Nassiriya contra li surdati taliani.
13 di jinnaru, venniridìa
- Palermu - Doppu aviri visitatu Rausa e Sarausa, lu prisidenti di la ripùbblica taliana, Ciampi, cunchiudìu stamatina la sò vìsita 'n Sicilia naugurannu 'n Palermu la "Chiazza di la Mimoria".
16 di jinnaru, lunidìa
- Cili - Michelle Bachelet, candidata dâ coalizzioni di centru-sinistra, vincìu l'elizzioni e addivintau la prima fìmmina prisidenti di tuttu lu sudamèrica, eliggiuta dimucraticamenti.
- Finlannia - La prisidenti finlandisi uscenti, la sucialdemucràtica Tarja Halonen, appi lu 46,3% di li voti chi nun ci cunzenti l'elezzioni diretta. Dumìnica 29 di jinnaru si l'havi a vìdiri cû cunservaturi Sauli Niinisto chi pigghiau lu 24%; Vanhanen, lu candidatu di centru, arristau fora dû balluttaggiu, pigghiannu sulu lu 18,6% dî voti.
17 di jinnaru, martidìa
- Cità dû Vaticanu - "Deus caritas est" (Diu è Amuri) è lu tìtulu di la prima encìclica di papa Binidittu XVI, longa apprussimativamenti na cinquantina di pàggini. Ntê pròssimi jorna la prisintazzioni ufficiali nnâ sala stampa dû Vaticanu.
.jpg)
19 di jinnaru, jovidìa
- Cape Canaveral - La sonda spazziali New Horizons partìu dâ basi dâ Nasa. L'obbiettivu è di agghicari ntô pianeta Plutoni ntô 2015.
21 di jinnaru, sabbutudìa
- Kossovu - Lu prisidenti e leader kossovaru Ibrahim Rugova mori di nu cancru ê pulmuna.
22 di jinnaru, duminicadìa
- Missina - Decimila pirsuni manifestaru contra la custruzzioni dû ponti dû Strittu di Missina. Sfilaru puru 400 pirsuni ca vinìanu dâ Val di Susa.
23 di jinnaru, lunidìa
- Lisbona - Anibal Cavaco Silva, candidatu dâ destra, addivintau prisidenti dû Portugallu vincennu ô primu turnu l'elizzioni cû 50,9%.
24 di jinnaru, martidìa
- Canadà - Li cunzirvatura di Stephen Harper vinceru l'elizzioni ntô Canadà e sustituìscinu nnô cuvernu li liberali di sinistra.
25 di jinnaru, mercuridìa
- Palermu - La squatra di palluni dû Palermu battìu pi 3 a 0 lu Milan e si qualificau pi la semifinali dâ Coppa Italia.
26 di jinnaru, jovidìa
- Palestina - Li slàmici di Hamas vinceru l'elizzioni cunquistannu la maggiuranza assuluta cu 76 seggi contra li 43 di Al Fatah: un veru tirrimotu pulìticu.
27 di jinnaru, venniridìa
- Roma - La nazziunali taliana di palluni, pi li qualificazzioni a l'Europeu dû 2008, capitau nta un giruni cu: Francia, Ucraina, Scozzia, Lituania, Georgia e Ìsuli Faroer.
29 di jinnaru, duminicadìa
- Pulonia - Traggedia a Chorzow, 'n Pulonia: crullau, sutta lu pisu di la nivi, lu tettu di n'edificiu unni si stava tinennu na espusizzioni di picciuni viaggiaturi; mureru 66 pirsuni.
- Palermu - Doppu la scunfitta pi 1 a 3 'n casa contra lu Siena, lu prisidenti dû Palermu, Maurizio Zamparini, licinziau l'allenaturi Gigi Delneri. Ora la squatra, finu a giugnu, è a l'òrdini dû novu allenaturi, Giuseppe Papadopulo.