Héctor Roberto Chavero (Pergamino, Província de Buenos Aires, lo 22 de gener de 1908 - Nimes, lo 23 de mai de 1992), deu son nom d'artista Atahualpa Yupanqui que ho un deus cantors e un guitarrista de folclòre argentin deus màgers.
Que vadó dens la província de Buenos Aires d'un pair originari de la província de Santiago del Estero (qui èra cap de gara) e de sang indian e d'ua mair d'origina basca. A partir deus sheis ans, qu'aprengó a jogar de la guitarra e deu vriulon. Que comencè per practicar un sarròt de mestièrs abans de viatjar e de víver de la musica.
En 1950 que viatgè en França on Édith Piaf que'u presentè au teatre Athénée de París.
Aquesta tempora parisenca que lancè la soa carrièra dens tota Euròpa e que'u dè lo parat de har la coneishença de Louis Aragon, Paul Éluard, Pablo Picasso e Rafael Alberti.
Dens las soas composicions qu'empleguè diverses ritmes tradicionaus argentins com : la milonga, la chacarera, la vidala, la zamba e la baguala. Quauques uas de las òbras qu'interpretava qu'èran compausadas per Paule Antoinette Pepin Fitzpatrick, la soa molher, pianista e compositriz canadenca.
Atahualpa Yupanqui qu'ei mort a Nimes. Las soas restas que hon sepelidas en Argentina com ac avèva demandat.
<references>