Torkild Halvorsen Aschehoug | |
Statsborgarskap | Noreg |
Fødd | 27. august 1756 Ås kommune |
Død |
26. oktober 1838 (82 år) |
Yrke | prest, politikar |
Språk | norsk |
Religion | Den evangelisk-lutherske kyrkja |
Torkild Halvorsen Aschehoug (27. august 1756–26. oktober 1838) var ein prest og eidsvollsmann frå Ås.
Aschehoug var son av ein gardbrukar og lensmann i Ås i Follo. Han vart student 1774 og cand. theol. 1779. Deretter var han i tre år huslærar i Moss, før han i 1783 vart residerande kapellan i Rakkestad. I 1792 vart han sokneprest i same prestegjeldet, eit embete han hadde til han tok avskjed i 1835. 1805–1824 var han attåt prost i Borgesyssel.
Aschehoug var forlikskommissær i 27 år. Med eigne midlar oppretta han eit bibliotek for folket i Ås.
Aschehoug var med i det overordentlege storting i 1814. Han representerte då dei 14 prestegjelda av Smaalenenes amt som fienden Sverige hadde okkupert. På stortinget 1821 og det overordentlege storting 1822, var han begge år medlem av Lagtinget. Dermed vart han også medlem i riksretten 1821-22. Han var medlem av sju komitear, formann i komiteen om hittegods.
I 1812 vart han utnemnd til riddar av Dannebrogordenen for «sine opofrelser under krigen» 1808-09; ni år seinare vart han òg riddar av Nordstjerneordenen.
Han far til Halvor Torkildsen Aschehoug.