Halvor Torkildsen Aschehoug | |
Statsborgarskap | Noreg |
Fødd | 1. september 1786 Rakkestad kommune |
Død |
10. desember 1829 (43 år) |
Yrke | prest, politikar |
Språk | norsk |
Religion | Den evangelisk-lutherske kyrkja |
Far | Thorkild Aschehoug |
Halvor Torkildsen Aschehoug (1. september 1786–10. desember 1829) var ein norsk prest og stortingsrepresentant frå Rakkestad i Østfold.
Aschehoug fekk undervisning i Borgerdydsskolen i København og tok examen artium i 1803. Deretter var han tilsett i rentekammeret i fem år, 1803-08. 1804 tok han førebuande prøve i filosofi. Studerte også juridiske fag. Han braut av jusstudiet i 1809, byrja å studere teologi. I 1813 vart cand. theol. med laud, året etter tok han praktikum med same karakter. Deretter var han to år i København som lærar i fleire offentlege skular.
2. februar 1817 vart Aschehoug konstituert som sokneprest i Ås. I juni 1820 vart han utnemnd til sokneprest i Idd i Østfold, eit embete han hadde til han døydde i Idd i 1829.
Aschehoug var stortingsmann for Smaalenenes amt i 1824, 1827 og 1828. I 1824 var han mellom anna sekretær i redaksjonskomiteen. Han var medlem av komiteen om jordbruk og fedrift både i 1824 og 1827. I 1828 var han medlem av reglementskomiteen.
Han var son av Torkild Halvorsen Aschehoug, sjølv var han far til Torkel H. Aschehoug.