Spangereidkanalen er ein kanal som går tvers gjennom Spangereid frå Båly til Lenefjorden på halvøya Lindesnes. Bygginga av kanalen vart vedteke i 2005, etter over 20 år med planlegging frå kommunen, og han er bygd med pengar frå det private næringslivet i regionen, frå kommunen og frå staten. Kanalen vart offisielt opna av dronning Sonja den 5. juli 2007.
Føremålet med kanalen var å gje båttrafikken høve til å passere Lindesnes utan å måtte gå utanom på havet. Eigenleg gjekk bygginga av Spangereidkanalen ut på å gjenåpna ein tidlegare kanal, for i 2001 påviste fylkesarkeologen i Vest-Agder restar av ein kanal som var 2 meter djup, og med sidene haldne på plass av treverk. Denne kanalen er datert til 700-talet, og er eineståande i sitt slag i Noreg. Truleg har vikingskip kunna passere gjennom kanalen. Sjølv om den vanlegaste måten å få skip med seg over land frå vatn til vatn i dei tidene var å dra dei over på ein spesiell veg som det var lagt stokkar på, har fleire smale eid gjort det høveleg å grave ein kanal her i gamal tid. Ein liknande gamal kanal finst på Samsø i Danmark.
Kanalar med sluser | Tistakanalen • Haldenkanalen • Vorma • Telemarkskanalen • Storstraum-Småstraumkanalen (Telemark) • Storstraumen (Byglandsfjord) • Skjoldastraumen (sjø) • Skallestraumen Lindåsslusene (sjø) |
---|---|
Innlandskanalar for båtar | Reddalskanalen • Drageidkanalen • Årdal båtrenne • Veitastrondkanalen • Dampskipskanalen (Lillestrøm) |
Fløytingskanalar | Sootkanalen • Støa kanal • Feragenkanalen • Otteidkanalen |
Byar med kanalar | Mossekanalen • Hortenskanalen • Tønsberg • Bommen (Risør) • Arendal (fylt att) • Gravanekanalen (Kristiansand) • Flekkefjord (naturleg) • Trondheim |
Sjøkanalar | Herøyakanalen • Eidkilkanalen (Kragerø) • Hisøystrømmen • Hesneskanalen • Kassenkanalen • Spangereidkanalen • Eiekanalen • Feøykanalen • Sunnalandsstraumen (Bokn) • Kulleseidkanalen • Røyksundkanalen • Nålsundskanalen (Tingvoll) • Remmastraumen (Nærøy) • Pundslettrenna (Årsteinen) • Straumen (Framvaren) |
Framlegg til nye kanalar/båttunnelar | Otteidkanalen • Eidjordkanalen (Årsneskilen-Kvåsefjorden) • Listakanalen • Kvinnherad-Tysnes • Stad skipstunnel |