Raglanerm eller raglanerme er ein type erme som er karakterisert ved at det går i eit kileforma stykke heilt opp til kragen,[1] noko som gjev ein diagonal saum frå underarmen til kragebeinet.[2]
Ermetypen er oppkalla etter lord Raglan, den 1. baron Raglan, som skal ha hatt ein frakk med denne typen erme etter han mista ein arm under slaget ved Waterloo.[3] Raglanermet blei funne opp av frakkemakaren Aquascutum for lord Raglan for å gje han plass til å bruka sverdet sitt i kamp. Det gav betre rørsle til beraren i staden for eit normalt erme som var sydd fast til skuldersaumen. Ein frakk med raglanerme kan også kallast raglanfrakk.[4]