John G. Bernander | |||
| |||
Fødd | 22. september 1957 (66 år) New York by | ||
---|---|---|---|
Statsborgar av | Noreg | ||
Parti | Høgre | ||
Yrke | politikar, advokat | ||
Utdanna ved | Universitetet i Oslo Sjøkrigsskulen | ||
Barn | Mathias Bernander | ||
Alle verv |
|
John Gordon Bernander (fødd 22. september 1957 i New York i USA) er ein norsk tidlegare Høgre-politikar, næringslivsleiar, og kringkastingssjef i NRK.
John G. Bernander blei fødd i New York som son av motelleigarane Harry Bernander (f. 1927) og Ingrid S. Kjevik (f. 1931), og voks opp i Brooklyn og Kristiansand. Han er kalla opp etter teikneseriehelten «Lyn Gordon»,[1] og hadde amerikansk statsborgarskap frem til tenåra.[2] Etter eksamen ved Kristiansand Handelsgymnasium i 1976 tok han Sjøkrigsskolen i Bergen 1976–1977. Han har juridisk embedseksamen frå Universitetet i Oslo frå 1982 med engelsk-amerikansk avtalerett som spesialfelt.[2]
John G. Bernander er frimurar i St. Johanneslogen Orion til de to Floder med graden VII.[3]
Bernander var advokatfullmektig hos Olav Bryge i Kristiansand 1982–1985,[2] førstekonsulent ved Garanti-instituttet for eksportkreditt i 1985 og konsernadvokat i Sørlandsbanken AS 1986–1988 og Johan G. Olsen Industrier AS 1988–1989.
Etter tida på Stortinget var han viseadministrerande direktør 1993–1995 og administrerande direktør 1995–2001 i sjøforsikringsselskapet Assuranceforeningen Gard i Arendal. Bernander var kringkastingssjef i NRK 2001–2007. Den 9. oktober 2006 gav han beskjed til styret i NRK om at han ikkje ville søka om en ny åremålsperiode som kringkastingssjef. 19. mars 2007 blei han dermed den første som hadde trekt seg etter seks år i denne stillinga.[4] Etter dette var han sjølvstendig næringsdrivande med eiendomsselskapet Tophdal AS og tilknytt Mosvold Shipping Group AS i to år, før han blei administrerande direktør i NHO hausten 2009. Bernander varsla at han kom til å gå av frå stillinga tre år seinare. Frå 2012 dreiv han Viking Heat Engines AS.[5] Frå 21. januar 2015 var han styreleiar i Talent Norge.