Jens Olai Steffensen (fødd 23. mars 1891 i Bø i Vesterålen, død 17. oktober 1961) var ein norsk politikar (Ap) og fiskarlagsformann. Han var blant anna stortingsrepresentant, formann i Noregs Fiskarlag og styreformann i Noregs Råfisklag.

Jens Steffensen var opphavleg fiskar og anleggsarbeidar. Han var stortingsrepresentant for Nordland mellom 1934 og 1957, ordførar i Bø ein kort periode i 1945, og varaordførar mellom 1934 og 1941. Han var formann i Noregs Fiskarlag 1937-1941 og 1945-1951, og styreformann i Noregs Råfisklag mellom 1952 og 1961.

Steffensen var ein kjend, men omstridd fiskeripolitikar. I 1951 gjekk leiinga i Arbeidarpartiet inn for å liberalisere trålarlova. I Fiskarlaget, med Jens Steffensen i spissen, var det sterk motstand mot dette, og Steffensen klarte å mobilisere eit fleirtal i Arbeidarpartiets stortingsgruppe mot forslaget. Forslaget vart likevel vedteke med støtte frå dei borgarlege partia. Som følgje av dette dekk han sidan motstand frå leiinga i sitt eige parti.

Stortingskomitéar

• 1954-1957 formann i Sjøfarts- og fiskerikomiteen
• 1954-1957 medlem i Valgkomitéen
• 1950-1953 formann i Sjøfarts- og fiskerikomiteen
• 1950-1953 medlem i Valgkomitéen
• 1945-1949 formann i Sjøfarts- og fiskerikomiteen
• 1945-1949 medlem i Valgkomitéen

Bakgrunnsstoff

• Stortinget.no - Biografi