Berle kyrkje | |||
kyrkje | |||
Berle kyrkje
Foto: Kjell Førde | |||
Land | ![]() | ||
---|---|---|---|
Fylke | Vestland | ||
Kommune | Bremanger | ||
Kyrkjesamfunn | Den norske kyrkja | ||
Bispedøme | Bjørgvin | ||
Prosti | Nordfjord | ||
Sokn | Berle | ||
Fellesråd | Bremanger | ||
Type | Arbeidskyrkje | ||
Arkitekt | Alf Apelseth | ||
Teknikk | Mur | ||
Innvigd | 3. juli 1977 | ||
Kyrkjegard | Frå 1893 på nabotomta | ||
Sitjeplassar | 210 | ||
![]() Berle kyrkje 61°49′40″N 5°06′54″E / 61.8278°N 5.1151°E | |||
Wikimedia Commons: Berle kirke |
Berle kyrkje står i bygda Berle på sørsida av Bremangerlandet i Bremanger kommune i Vestland, og er ei mura arbeidskyrkje frå 1977.
Bygget er teikna av arkitekt Alf Apelseth og har sitjeplassar til 210 personar.[1]
Berle fekk eigen gravstad i 1893 og bygdefolket hadde lenge arbeidd for å få eiga kyrkje då ho stod klar i 1977. Innsamlinga av pengar byrja alt i 1911. Kyrkja vart til stor del reist ved dugnadsarbeid og det var samla inn 200 000 kroner til bygginga.[1]
Kyrkja har sidan 1999 vore soknekyrkje i Berle sokn i Nordfjord prosti.[1] Då bygget stod ferdig i 1977 hadde det status som kapell og Berle vart oppretta som kapellsokn i Rugsund sokn i Davik prestegjeld. Fire år seinare, i 1981, vart Berle overført til Bremanger sokn og prestegjeld og 1. oktober 1999 vart Berle skild ut frå Bremanger sokn som eige sokn i Bremanger prestegjeld. [1]