Astrid Brekken | |
Statsborgarskap | Noreg |
Fødd | 24. april 1943 (81 år) Lesjaskog |
Yrke | journalist, sosiolog, bonde, omsetjar |
Medlem av | Norsk Kvinnesaksforening |
Astrid Oddrun Brekken (fødd 24. april 1943) er ein norsk sosiolog, journalist og sauebonde i Lesja. Ho er mest kjend som programleiar i NRK.
Brekken er utdanna cand.mag. ved Universitetet i Oslo og har dessutan hovudfag i sosiologi frå studium ved New York University (1969-71). Seinare studerte ho spansk og litteratur same stad (1995-96). Brekken verka ved distriktskontora i NRK (1963-68), men har frå 1971 vore tilsett i Opplysningsavdelinga og P2's faktaavdeling. Ho har vore programleiar i Sånn er livet (1984-), WOK og På livet laus, der ho blant anna portretterte Doris Lessing (2000).[1]
Astrid Brekken var med i etableringa av Nyfeministene (1970) og blant initiativtakarane til Sirene,[2] der ho verka frå 1973 til 1978. Brekken var redaktør for Syn og Segn frå 1980 til 1989. Ho har hatt faste spalter i tidsskrifta Norsk Landbruk og Bonde og småbrukar. Vidare har ho sete i Norsk språkråd og Alternativ Framtid, vore nestleiar i Norsk Kvinnesaksforening, styremedlem i Forum for Systemdebatt og medlem i Rådet for Kvinneuniversitetet.