Barry Clark Barish (* 27. Januar 1936 in Omaha, Nebraska) is en US-amerikaansch Physiker. 2017 wurr hüm gemeensam mit Rainer Weiss un Kip Stephen Thorne de Nobelpries för Physik för entscheeden Bidrääg to den LIGO-Detektor un de Opdecken vun Gravitatschonswellen tospraaken.[1]
Barish hett de School in Los Angeles besöcht un studeer Physik an de University of California, Berkeley, mit den Bachelor-Afsluss 1957 un de Dokterarbeit in experimenteller Hoochenergiephysik 1962. Af 1962 weer he an dat Caltech, wo he 1966 Assistant Professor, 1969 Associate Professor un 1972 Perfesser wurr. 1991 wurr he Maxine and Ronald Linde Professor. 2005 wurr he Professor Emeritus.
In de 1970er Johren weer he an dat Fermilab an Hoochenergie-Neutrino-Experimenten bedeeligt, de to de eerst Experimenten hörrn deen, bi de neutrale swaak Strööms vun de elektroswaak Wesselwirken nahwiest wurrn. In de 1980er Johren broch he Ünnergrundexperimente to de Söök nah magnetisch Monopolen un anner hypothetischen Deelken (ümsett an Laboratori Nazionali del Gran Sasso in Italien) up den Weg un weer dormit an de Front vun de Astrodeelkennphysik.
1994 wurr he Principal Investigator bi LIGO un 1997 bit 2005 weer he de sien Direkter. He hett dat Experiment vun de Finanzeeren över de Konstruktschoon vun de Laser-Interferometer bit to de Organisatschoon vun de internatschonale Rosommenarbeit vun över 1000 Mitarbeitern up. De Advanced Proposal vun LIGO wurr noch in sien Tiet as Direkter erstellt. 2015 gelung mit LIGO de eerste direkte Nahwies vun Gravitatschonswellen un dat Versmülten vun twee Swaart Löcker. De Opdecken wurr in‘ Februar 2016 bekannt geven (un vun Barish an‘ CERN präsenteert).
He weer Direkter vun den Global Design Effort för den International Linear Collider. Van 2001 bit 2002 weer he Ko-Direkter in dat Komitee vun dat High Energy Physics Advisory Panel (HEPAP), de de langfristig Strategie vun de Hoochenergiephysik in den USA plaant.
2016 kreeg he mit Adalberto Giazotto den Premio Enrico Fermi för hör Andeel an dat Opdecken vun de Gravitatschonswellen un dat Opdecken vun dat Versmülten vun Swaart Löcker (binary black hole mergers) (Laudatio).
He is Liddmaat vun de National Academy of Sciences, de American Academy of Arts and Sciences, de American Association for the Advancement of Science un Fellow vun de American Physical Society, deren Präsident he 2011 weer. Van 2003 bit 2009 weer he in den National Science Board. He is Ehrendokter in Glasgow, Bologna un an de University of Florida un hull de Van Vleck Lectures. 2017 kreeg he sowohl de Henry-Draper-Medaille, as ok den Prinzessin-von-Asturien-Preis un den Nobelpries för Physik (gemeensam Kip Stephen Thorne un Rainer Weiss).
Barry Barish is mit Samoan Barish verheiraadt. Se hemm twee Kinner, Stephanie Barish, un Kenneth Barish, Perfesser för Physik un Astronomie an de University of California, Riverside.