Dit artikel is gesjreve (of begós) in 't Zittesj. Laes hie wie v'r mit de versjillende saorte Limburgs ómgaon.

Leiebrouk (Nederlands: Leijenbroek) is 'n veurmalig buurtsjap en noe 'n wiek in 't zuud-oaste van de sjtad Zittert in de gemeinte Zittert-Gelaen in Nederlands Limburg. In 1840 woonde d'r 395 luuj in 60 hoezer. 't Woord brouk in de naam beteikent moerassig gebeed. De "baenje" loupe tot aan de Gelaenbaek. In 1360 weurt 't dörp in de archieve geneump.

Bezeenswaerdig

• De Brouksjtraot van Leiebrouk is e besjermp dörpsgezich.
• In de buurt lik 't sjtadspark mit viever.
• Aan de Brouksjtraot lik nog 'n aantal gesjlote häöf, 'n bakkes en hawverwaegs sjteit 'n pómp.
• De Sint Jansmert of "Höfkestreffe" in juni weurt georganiseierd door de fanfare Sint Jan.
• 't Veurmalig Kloaster van de Passionistinne mèt 'n kapel gewied aan de heilige Gemma. Saer 1938 is dat 'n baevaartsoord veur kranke en luuj in nood. De feesdaag is op 14 mei. Noe is d'r Het Stadslab (Sjtichting Kunst & zo) gevestig, die ateliers beit aan kunstenaesj en exposities en podiumactiviteite organiseiert. De veurzitter is Ger Bertholet. Ouch ligk hie de basissjool "Leyenbroek", kenjerdaagverblief "Jij en Ik", boetesjoolse opvang "De Daltons" en 'ne daagopvank van de sjtichting "Pergamijn"

Externe link

• [1]