Dit artikel is gesjreve (of begós) in 't Klummesj. Laes hie wie v'r mit de versjillende saorte Limburgs ómgaon.

Ger Bertholet (pseud. G. Rapaille) (Klumme, 1948) is dramadocent, acteur, sjrieëver, dichter, zenger en vertaler van tonieëlsjtökker. Bie d'r radio-umroop Limburg waor hae actief es Zjèr Bataille in 't Verdreet van Limburg. Daonao sjreef hae óm de twieë waeke 'ne Limburgstalige column en loos dem vuur in 't cultuurprogramma van L1 "Het Cultuurcafé". Daonaeve is Bertholet tonieëlrecensent. Eind jaore tachtèg regisseerde Bertholet tonieëlgroep de Bron oet Norbik.
Hae is wèrkzaam bie Sjtichting Theater- en Danswerkplaats KWANT en is/waor (mit) initiatiefnummer van de projekten Rückkeher Ünerwunscht Maastricht, Waolse Medammecour, Blauwe zaoterdaag Venlo, Stadslab Zitterd, Poink, Tuin der Lusten in Zitterd en Petit Bataille, Kleinkunstfestival (provinciaal).

Publikaties

• In 't Veldeke-orgaan.
• 1992 in de Bloomlaezing Rierank van Veldeke-Valkeberg.
• 1992 in de Bloomlaezing Veldeke Literair nr 1, Woeë de wîndj zaochter wejtj... mèt 2 gedichte
• 1997, in de Bloomlaezing nr 9. Onbesjriefelik..., mèt 1 gedich
• 2001 in de Bloomlaezing Veldeke Literair nr.12, Mosaiek.
• "Sjweitberg" , 28 columnverhaole oet 't Verdreet van Limburg
• "Stallucht", monoloog
• "Knotsj" , monoloog
• "Puen d´r Vuurmond, sjat", monoloog
• "Mim", monoloog
• "Marthe", operateks
• "Dood is goed...", poëzie en foto's van George Meijers

Discografie

• Bataille zingt (1995)
• Mich sjtik de brats (1999)
• Batailles Carnavallade 2, 3 + 4 (oet: Omroeparchief, productie en samesjtèlling)
• Waolse Medammecour 1 en 2
• Frael (2006)

sjtäölke

"werm dich dichter
aan dien eige beelde
kaok diene ink es 't mót
Sjrieëw zónger wuerd
das te heildes
sjtaok dien zinne in dien patsj"

oet: Werm dich dichter, Rierank 1992

Zuug ouch

Wikibrónne haet ouch 'n pazjena mit sjtäölkes en brónne euver Ger Bertholet.

Externe link

• Pazjena euver Ger Bertholet op de website van VHV