Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Herman Brusselmans (Hamme, 9 oktober 1957) is 'ne Belsje sjriever. Zien bekindste beuk zien Heden Ben Ik Nuchter (Allewijl bin iech neuchter) en Ex-Drummer. Heer sjrijf inkel op 't Nederlands.
Brusselmans heet in zien jäög neet väöl interesse getoend veur literatuur. Tot ind jaore '70 waor heer 'ne succesvolle vootballer bij KFC VW Hamme en later ouch KSC Lokeren Oost-Vlaanderen. Allewijl heet heer zien eige vootbalvereiniging, geneump nao ziene gestorven hoond. Heer geit op zien 19e Germaanse filologie studere, en in 1981 trouwt heer, en geit woene in Iddergem, Denderliew. In 1986 geit heer nao Gent. Dao trouwt heer in 2005 veur d'n twiede kier.
Heer is neet allein bekind mèt zien beuk. Ouch kump heer dèkser op d'n tillevisie. Veurnaomelek op 't Belsj, mer ouch wel in Nederland. In 2007 is vaan zie book Ex-Drummer 'ne film gemaak. Evels waor dit neet e groet succes.