Weinviertel, regio in tabulis antiquis interdum simpliciter Tertius Quadrans (Austriae Inferioris) dicta [1] (Theodisce olim Viertel unter dem Manhartsberg, his diebus Weinviertel = "quadrans vini") est una ex quattuor regionibus Austriae inferioris in boreo-orientali civitatis sita.
Nomen „Weinviertel“ ex fere centum annis in usu est: Weinviertel est Austriae regio vinifera maximi momenti.
Post circulos administrativos anno 1868 constitutos quadrantes Austriae inferioris, qui dicuntur, re politica carentes nihil nisi nomina regionum pristinarum sunt, qui in sermone cottidiano et ad periegesim fovendam in usu manebant.
