Fines
Forma
Gestio
Vita
Tabula aut despectus
Thuringia (Theodisce Thüringen) est regio et terra foederalis Germaniae mediae, quae 16 171 chiliometra quadrata comprehendit, sexta a minimis ex sedecim civitatibus Germanicis. Numerus civium est circa 2.1milliones hominum.[1] Propter montes silvigeros cor Germaniae viride vulgo vocatur. Maxima urbs et caput est Erfordia.
Thuringia anno 1920 e pluribus parvis principatibus, inter quos Saxonia-Vimarii-Eisenach, res publica condita est. Anno 1930 prima terra foederalis fuit, in qua administri Nazistarum, in quorum numero Gulielmus Frick, administer internarum rerum et institutionis publicae, nominati sunt. Sed iam 1932 hoc consilium ministrorum depositum est.
Anno 1932 Fridericus Sauckel (NSDAP) praeses ministrorum factus est. Eius successor Gulielmus Marschler (NSDAP) libertatem Thuringiae abolevit. In Buchenwald apud Vimaria castra carceralia condita sunt, quo multi inimici Nazistarum vexati atque necati sunt.
Secundo bello mundano finito primis mensibus Americani Thuringiam occupaverunt et Hermannum Brill praesidem ministrorum fecerunt. Sed iam Iulio 1945 Unio Sovietica terram occupavit et Rudolphus Paul et deinde Wernerus Eggerath praesides ministrorum facti, qui communistae fuerunt. Anno 1952 Thuringia in pagos tres divisa est.
Anno 1990 post unificationem Germaniae restituta est. Deinde electionibus 25 annos semper praesides ministrorum CDU creati sunt. Anno 2014 factio SPD cum Sinistra et Viridibus novum foedus regendi fecit. Die 5 Decembris 2014 Bodo Ramelow novus praeses ministrorum electus est. Mense Februario 2020 inopinans Thomas Kemmerich praeses ministrorum et suffragiis AfD electus est, sed iam die 8 Februarii se a magistratu recessit[3].
Vicimedia Communia plura habent quae ad Thuringiam spectant. |
Lege Θουριγγία ("Thuringia") apud Vicipaediam lingua Graeca antiqua scriptam |
Anhaltinum • Badenia • Bavaria • Res Publica Brunsvicum • Urbs Hanseatica Brema • Hamburgum • Hassia • Lippia • Lubeca • Megalopolis-Suerinum • Megalopolis-Strelicia • Oldenburgum • Borussia • Saxonia • Schaumburgum-Lippia • Thuringia • Waldecum-Pyrmontum (ad usque annum 1929) • Virtembergia | |