Solum nigrum[1] vel, ut antiqui, terra pulla[2] est genus soli sedimentarium, quod humi partem magnam (usque ad 15 %) et colorem atrum habet. Solum nigrum super argillam vel solum subargillosum vel loessaceum, herbis per multos annos opertum et aqua satiatum, formatur. In zona temperata vel subboreali, in steppis et campis, pharangiis et terrassis fluvialibus secatis, sola nigra abundant.
In Eurasia regiones soli nigri ab Austria per Ucrainam et Russiam ad Sibiriam et Mongoliam patent, in America Boreali in parte occidentali Civitatum Foederatarum et meridionali Canadae, in America Australi in meridie Argentinae et Chiliae.