Loess[1] vel solum loessaceum[2] est soli genus sedimentarium, granis et pulvere compositum, non stratosum, saepius subargillosum, rarius subarenosum, coloris luridi vel helvoli. Soli loessacei stratum altitudinem usque ad 100 m habere potest.
Saepe in divortiis aquarum et in terrassis vallium inundatarum oritur. In steppis et semidesertis zonae temperatae Eurasiae et Americae abundat.
Solum loessaceum aqua facile dissolvitur et transfertur, exsiccatum autem vento facile dispergitur.