Ramphastos est genus ramphastidarum, avium tropicarum et subtropicarum ordinis Piciformium Mexici et Americae Mediae et Australis, quibus sunt colores clarissimi, rostris ingentibus saepeque clarissime coloratis.[1]
Generi Ramphasto sunt octo species descriptae:[2]
Imago | Binomen | Distributio |
---|---|---|
Ramphastos dicolorus | Brasilia orientalis, Pantanal Boliviae, Paraquaria orientalis, Argentina septentrionalis et orientalis | |
Ramphastos vitellinus | Trinitas et in America Australi tropica ad australem usque ad Brasiliam australem et Boliviam mediam | |
Ramphastos citreolaemus | Columbia septentrionalis et Venetiola septentrionalis et occidentalis | |
Ramphastos brevis | Silvae chocó Aequatoria occidnetali et Columbia occidentali | |
Ramphastos sulfuratus | A Mexico australi ad Venetiolam et Columbiam | |
Ramphastos toco | Bolivia septentrionalis et orientalis, Peruvia australis et orientalis, Argentina septentrionalis, Paraquaria orientalis et media, Brasilia orientalis et australis | |
Ramphastos tucanus | Amazonia, civitate Tocantins, et regione Fluminis Araguaiae non exclusis | |
Ramphastos ambiguus | America Australis media et septentrionalis |
Aliquot eruditi, vel nunc vel olim, alias species vel subspecies huius generis species agnoscunt.
Hoc genus maximas ramphastidas comprehendit, quae a 42 ad 61 centimetra longae variant.[1] Omnibus sunt alae, femora, caudaeque nigrae, sed colores pennarum relictarum specie variat.
Aves huius generis penitus sunt residentiales, sed cum aliis in minoribus loci migrationibus participare possunt, exempli gratia in migrationibus ad altitudines humiliores hieme effectis.[1]
Ramphasti sunt aves arboreales, qui nidos in foraminibus in truncis arborum faciunt, ubi a duo ad quattuor ova alba pariunt.
Omnes species plerumque fructibus vescuntur, sed insecta aliasque praedas parvas capere possunt.[1]
Austrophilopterus cancellosus, ischnocerum ordinis Phthirapterorum, in omnibus Ramphasti speciebus parasitus esse creditur, quia in omnibus speciebus praeter Ramphastum citreolaemum inventus est.[9]
Vicimedia Communia plura habent quae ad Ramphastum spectant. |
Vide "Ramphastum" apud Vicispecies. |
Situs scientifici: • ITIS • NCBI • Biodiversity • Fossilworks |