Orsa[1] (Sanscritice, Devanagari: सूत्र sūtra; Paliense: sutta) sunt aphorismi de doctrina, vel congeries talium aphorismorum forma libelli. Verbum Sanscriticum sūtra, quod ipsum Anglice aliisque linguis adhibetur, "filum" significat; verbo Latino suere cognatum, e radice Proto-Indo-Europaeo *syū- deducitur.
In Hinduismo, orsa sunt distinctum compositionis litterarum genus.
In Buddhismo, terminus ad scripturas quae habentur memoriae doctrinarum a Gautama Buddha viva voce impertitarum plerumque spectat. Lingua Sinense, hae memoriae (經, jīng) partes Tripitakae appellatae Sutra Pitaka conlocantur. Sunt etiam loci Buddhistici, sicut Orsa Suggestus, qui orsa, quamquam a seris scriptores generati sunt, appellantur.