Om vel auṃ (Devanagari ॐ) in religionibus Indiae est sonus sacer, mantra, et signum spirituale. In Hinduismo significat necessariam ultimae realitatis conscientiaeve partem, Atman appellatam.[3][4][5] Qui sonus sensu lato est syllaba quae libere aut ante recitationem spiritualem in Hinduismo, Buddhismo, et Iainismo cantatur.[6][7] Significationes connotationesque sonorum om inter varias scholas intra et trans varias traditiones variant. Om est elementum ex iconographia in manuscriptis, templis, monasteriis, et recessibus spiritualibus antiquis et mediaevalibus in Hinduismo, Buddhismo, et Iainismo inventa.[8][9]
Syllaba om etiam appellatur onkara (ओङ्कार, oṅkāra), omkara (ओंकार, oṃkāra), et pranava (प्रणव, praṇava).[10][11]
Ligatura om in scripto Brahmico late in contracultura Occidentali ex annis 1960 agnoscitur, plerumque in forma Devanagari normativa (ॐ) scripta, sed om in scripturá Tibetaná (ༀ) aliquando in culturá vernaculari videtur.[12] In musica, hoc signum in 3, tertio gregis Soulfly albo musico, monstratur.[13]
![]() |
Vicicitatio habet citationes quae ad Om spectant. |
![]() |
Vicimedia Communia plura habent quae ad om spectant. |