Mycerinus[1] (Graece Μυκερίνος[2][3]), seu Mencheres (Graece Μενχέρης[4]), nomine Aegyptio Menkaure,[5] fuit Aegyptius domus quartae rex (pharao) aevo Regni Veteris. Secundum Manethonem, antiquum rerum gestarum scriptorem Aegyptium, Mycerinus fuit proprius Bikheris regis successor, sed secundum indicia archaeologica, Cephrenem successit. Ab anno circiter 2530 a.C.n. incipiens, annos fere duodeviginti vel viginti duo regnavisse censetur.
Plerumque innotuit Mycerinus sepulcro, Pyramide Mycerini Gizae, atque triadibus statuariis, se cum Rechetre et Chamerernebty uxoribus monstrantibus. Mycerinus fuit filius Chephrenis neposque Cheopis.
![]() |
Vicimedia Communia plura habent quae ad Mycerinum spectant. |