Mare Lapteviorum[1] (Russice море Лаптевых, tr. more Laptevych) est mare Oceani Arctici (Glacialis Septentrionalis). Area maris Lapteviorum est 672 000 chm², profunditas mediocris 540 m, maxima 3385 m est.
Nomen maris hodiernum, anno 1935 confirmatum, datum est in honorem fratrum patruelium Demetrii et Charitonis Lapteviorum – praefectorum navalium Russicorum, qui annis 1735–1740 litora huius maris exploraverunt.
Inter paeninsulam Taimyricam archipelagumque Terram Borealem ad occidentem et insulas Sibiriae Novae ad orientem situm est. Terra Borealis a mari Karensi et Insulae Sibiriae Novae a mari Sibirico Orientali mare Lapteviorum separant. Fretum Vilkitzkii mare Lapteviorum cum mare Karense coniungit et fretum Demetrii Laptevii cum mari Sibirico Orientali.
Flumina Chatanga, Anabira, Olenecus, Lena, Iana (ab occidente ad orientem enumerata) in hoc mare effunduntur.
![]() |
Situs geographici et historici: Locus: 76°0′0″N 125°0′0″E • GeoNames • Thesaurus Getty • Store norske Lexikon |
![]() |
Vicimedia Communia plura habent quae ad mare Lapteviorum spectant. |