Mahabharatum[1] (scriptura Devanagari महाभारत, Mahābhārata) est unum ex duobus magnis poesis epica Indicae carminibus, duodeviginti libros continens, Sanscritice compositum, et longissimum litterarum universalium opus, quorum aliud est Rāmāyaṇa. Carmen est pars itihasae, et orationem separatim nomine Bhagavadgita cognitam continet (6.25-42).
Mahabharatum, sicut Ilias graeca, non per scriptum sed per canendum a poetis compositum est, inter annos 300 a.C.n. et 300 p.C.n., plus minusve. In libro ipso, poeta Vyāsus nomine est auctor carminis, qui id deo Ganeśo dictat.[2] Non autem narrator est: de Vyāso narrat vates quidem, Sauti nomine, qui primus narrator est. Sauti fabulam audivit, abhinc multos annos, cum Vaisampayanus eam regi Janamejayo narrabat; Sauti narrationem Vaisampayani reddit.
Carmen versu sloco imprimis utitur.
Quinque fratres, filii regis Pandu, cum centum patruelibus, filiis Dhṛtarastri, certant. Dhṛtarastrus, quamquam maior natu illo Pandu, caecus est, ergo non potest regere. Filius eius Duryodhanus vult regnum habere, quod maximus natu est filius fratris maioris regis. Yudhistirus autem, maximus filius regis Pandu, censet se regnum hereditate e patre accipere debere. Post bellum maximum, Yudhistirus rex fit.
liber | titulus | divisiones | insunt |
1 | Adiparva | 1–19 | Prolegomena; origo iuventusque principum |
2 | Sabhaparva | 20–28 | Vita regalis; ludus tesserarum; exsilium Pandavarum; aedificatio palatii (sabha) apud Indraprastham |
3 | Aranyakaparva | 29–44 | Duodecim anni exsilii in saltu (aranya). |
4 | Virataparva | 45–48 | Unus annus exsilii in palatio Viratae |
5 | Udyogaparva | 49–59 | Praeparatio belli |
6 | Bhiṣmaparva | 60–64 | Belli prima pars; Bhiṣma imperat Kauravas |
7 | Dronaparva | 65–72 | Belli secunda pars; Drona imperator |
8 | Karnaparva | 73 | Belli tertia pars; Karna imperator |
9 | Shalyaparva | 74–77 | Belli quarta pars; Shalya imperator |
10 | Śauptikaparva | 78–80 | Somnium (śauptika) Pandavarum; interfecti sunt ab Aśvattama Kauravisque |
11 | Strīparva | 81–85 | Nenia mortuorum a Gandhari aliisque mulieribus (strī) |
12 | Śantiparva | 86–88 | Yudhiṣṭhira coronatus; praecepta Bhiṣmae |
13 | Anusāsanaparva | 89–90 | Praecepta addita (anusāsana) Bhiṣmae |
14 | Aśvamedhikaparva | 91–92 | Yudhisthirae sacrificium equi (aśvamedha) |
15 | Aśramavasikaparva | 93–95 | Egressus Dhritarashtrae, Gandharis et Kuntis ad eremitidem (aśrama) |
16 | Mausalaparva | 96 | Pugna inter Yadavas cum virgis (mausala) |
17 | Mahāprasthanikaparva | 97 | Iter mortis (mahāprasthana) Yudhisthirae et fratrum |
18 | Svargarohanaparva | 98 | Reditus Pandavarum in mundum spirituum (svarga) |