Vide etiam paginam fere homonymam: Harpastum
Harpastum XV vel pleniter Harpastum Rugbiense XV lusoribus[1] (Anglice rugby union, vel in linguis multis potius rugby 15) est ludus quo duae turmae quindecim hominum folle ovato utentum ludunt. Primo Angliae luditur saeculo XIX, nunc etiam clarus ludus in civitatibus Consortiatis, Francia, Italia, atque Argentina est.
Harpasti follis ovatus est, longitudine 30 cm, parvo orbe 60 cm magnoque 75 cm.
Harpasti campus est rectangulum herbosum longitudine 100 m maxima latitudineque 70 m maxima divisusque in partes aequales duas. Quaecumque pars ipsa divisa est in partes duas per lineam 22 m a linea posteriori sitam.
Duo pali, altitudine minima 3,4 m distantesque 5,60 m, stant in extremis partibus campi et assere transverso altitudine 3 m junguntur.
Propositum huius ludi est magis numerare quam turmam adversariam. Numerandi quattuor modi sunt:
Conatus (try): | 5 numeri | (Manu follem imponere humi post lineam adversariam) |
Conversio (conversion): | 2 numeri | (Conatu facto, licet turmae duo puncta addere follem pede iacendo inter palos. Sic conversa temptatio septem numeros praebit) |
Recussus (kick): | 3 numeri | (Follem post recussum pede icere ut inter palos iacta sit) |
Poena (penalty): | 3 numeri | (Peccato facto, licet turmam oppressam satisfieri eodem modo conversionis, id est follem pede iacendo inter palos) |
Quiscumque lusor numerum et nomen proprium habet:
locus | acies | numerus | nomen |
---|---|---|---|
ANTERIOR | acies 1a | 1 & 3 | pilae (sinistra & dextra) |
= | = | 2 | talus |
= | acies 2a | 4 & 5 | pessuli (sinister & dexter) |
= | acies 3a | 6 & 7 | laterales (sinister & dexter) |
= | = | 8 | octavus |
POSTERIOR | verticula | 9 | medius proelii |
= | = | 10 | medius volans |
= | acies 3/4a | 11 & 14 | alae (sinistra & dextra) |
= | = | 12 & 13 | centra (primum et alterum) |
= | acies posterior | 15 | posterior |
Ut fieri solet, lusores numeris 1 ad 8 praesidium curant dum lusores numeris 10 ad 15 impetum. Itaque lusores anteriores crassiores sunt ut adversarios retinant, dum lusores posteriores velociores esse solent.
Harpasti leges multissimae sunt, quibus ludus ille saepe implicatus obscurusque videtur. Hic tantum praecipuae exponentur.
Praecipuae sunt actiones duae harpasto propriae: proelium et tactus.
Si follis a lusore prae se jacitur (vide "de legibus"), peccatum istud a proelio (Anglice: scrum) corrigitur.
8 lusores anteriores uinuscujusque turmae obsistunt sicut ostendunt imagines infra. "Medius proelii" follem apponit in proelium et duo "lusorum fasces" propellunt ut follem capiant.
Si follis ex campo exit, reiicitur a turma quae non foris eum jecerat.
Ab 2 usque ad 8 lusores uniuscujusque turmae acies constituunt distantes 1m atque "talus" manu follem jacit inter duas acies.
Vicimedia Communia plura habent quae ad harpastum XV spectant. |