Gestio
Geographia
Coniunctiones urbium
Tabula aut despectus
Glasgua[1][2] Glasgovia,[3] sive Glascovium[4] (Anglice Glasgow; Scotice Glesca et Glesga; Gadelice Glaschu) est frequentatissima urbs in Scotia, quarta a maxima urbe in Britanniarum Regno, et vicensima septima in Europa.[5] Anno 2020, numerus incolarum 635 640 aestimabatur. Urbs, super fines comitatuum historicorum Lanarkensis et Renfrewshire iacens, nunc aream Consilii Urbis Glasguensis constituit, unam ex triginta duarum areis conciliaribus Scotiae, et a Concilio Urbis Glasguensis regitur. Ad ripas Fluminis Clyde? in civitatis Terris Humilibus occidentalibus et mediis patet.
Glasgua urbs saeculo sexto, una cum cathedralis Glasguensis fundamento, a sancto Cantigerno condita est. Postea Glasguae momentum saeculis decimo et undecimo, episcopatu hic locato a rege Davide I episcopoque Ioanne Capellano, continuo crevit. Episcopatus hic omnis Scotiae maximus divitissimusque factus est et illuc divitias gravitatemque attulit. Intra annos 1175 et 1178 regnum, cum episcopus Ioscelinus burgi statum Glasguae ab Rege Gulielmo I obtinuerit, qui urbi vim monopolii aliorumque auctoritatum dederit, magnopere munitum est. Aliquando intra annis 1189 et 1195 huic statui mercatus anniversarius additus est, qui usque ad diem hodiernum ut "Mercatus Glasguae" floret.
Multae naves in portu Glasgoviensi fabricatae sunt. Glasgovia urbs laboris interdum nominatur.
Glasguae anno 1451 universitas condita est.
Glasgovia manus pedifollis duos habet: Celtic et Rangers.
Anno 1990 caput culturale Europaeum fuit.
Sicut Britanniae fere omni, urbi Glasguae clima est oceanicum per enumerationem Köppen–Geiger, in stationes quattuor divisum, aestatibus mitibus, hieme modice frigida; temperatura aëris minima (regione urbana Paisley verificata) a mense Decembri ad Februarium 1.8° atque mensibus Iulio et Augusto 12°, maxima inter 7° et 19.5°, sed minima extrema usque hodie nota −14.8°, maxima extrema 31.0°; pluviis mense Aprili ad 64 mm tantum, mense Ianuario ad 148 mm elevatis; diebus pluviosis mense Iunio 11, mense Ianuario 17, per annum totum fere 167 incidentibus, horis solis fulgentis mense Decembri 33, mense Maio 180, per annum totum 1265 relatis.[6]
Vicimedia Communia plura habent quae ad Glasguam spectant. |
Situs geographici et historici: Locus: 55°51′40″N 4°15′0″W • OpenStreetMap • GeoNames • Thesaurus Getty • Facebook Places • Vision of Britain • Store norske Lexikon • Treccani |