Georgica opus fuit fratrum Quintiliorum (Sextus Quintilius Valerius Maximus et Sextus Quintilius Condianus), qui coaevales imperatoris Marci Aurelii a Commodo interfecti sunt. Exstant in Geoponicis Constantino Porphyrogenito dicatis, et in Fragmentis Anatolii de bubus in corpore Hippiatricorum servatis nonnulla excerpta e Georgicis Quintiliorum dempta. Eorundem opere adscribendum est et citatio Athenaei qui in Deipnosophistis sic scribit: "Auctores Georgicorum fratres libro 3o ita scribunt: Et fraxino et terebinthum quae Syri nunc vocant pistacia."